[ko te tohutoro i roto i te reo Pākehā]
page 1Niu Tireni.
Ture Whakatau Ingoa Mo Nga Mema O Te Pare-Mete Me Te Runanga Whiriwhiri.
1907, No. 50.
He Ture hei Ata Whakatutuki i tetahi Panuitanga a te Kingi e whakarereke ana i te Ingoa o te Koroni o Niu Tireni.
Notemea i runga i tetahi Panuitanga i tuhia i te iwa o nga ra o Hepetema ko tahi mano e iwa rau ma whitu, i kiia, i panuitia, i whakahaua hoki, e te Kingi, penei, tirnata atu a hei muri atu hoki i te rua tekau ma ono o nga ra o Hepetema i taua tau nei ano ko te Koroni o Niu Tireni me ona whenua katoa me karanga a ka mohiotia tona ingoa ko te Tominiona o Niu Tireni: A notemea i runga i taua whakarereketanga o te ingoa o taua Koroni kua tau tika kia mahia etahi atu whakarereketanga me etahi atu tikanga e whai ake nei:
1. | Ko tenei Ture me hua ko te Ture Whakatau Ingoa mo nga Mema o te Paremete me te Runanga Whiriwhiri, 1907. |
2. | Ko te ingoa Minita mo nga Moni o te Koroni kua whaka-korea e tenei Ture, a kua hoatu ko te Minita mo nga Moni hei whakakapi mo tera, a ko nga Ture katoa e whakahua ana i te Minita mo nga Moni o te Koroni kua whakatikatikangia peratia e tenei Ture. |
3. | Ko te ingoa Hekeretari o te Koroni kua whakakorea e tenei Ture a kua hoatu ko te Minita mo nga Mea o Roto hei whakakapi mo tera, a ko nga Ture katoa e whakahua ana i te Hekeretari o te Koroni kua whakatikatikangia peratia e tenei Ture. |
4. | A muri atu i te mananga o tenei Ture ko nga mema o te Whare o nga Mangai o te Iwi ka mohiotia a ka karangatia he ingoa mo ratou ko nga Mema o te Paremete, a i roto i nga Ture katoa a muri atu nei paahitia ai ko te kupu nei Mema o te Paremete me pera tona whakahua. |