Ture Whakamama I Etahi Whakaritenga Hoko Whenua Maori.
Whaka Whait1Tanga.
Te Ingoa.
Matua Korero.
1. | Ingoa Poto. |
2. | Komihana. |
3. | Tono a tetahi hunga ki te Komihana |
4. | Tana whiriwhiringa me te Tiwhikete. |
5. | Taunga o te Tiwhikete. |
6. | Nga whakaritenga hokonga o muri mai o te Kawanatanga kia kore. |
7. | Ma te Kooti whenua Maori e whakatau te take o aua whenua i mua ake i te nohanga o te Komihana. |
He Pire E Huaina Ana.
He Ture hei whakarite kia ahei ai te whiriwhiri i etahi hoko whenua Maori kihai i tika i runga i te ture aua hokonga, hei whakatu-turu i aua hoko e tika ana kia peratia.
Notemea kua timataria te hoko i etahi whenua i mua atu i te mahinga o nga Ture i roto i tenei huinga o te Paremete e pa nei ki nga whenua Maori, ko etahi ano hoki o aua whakaritenga hoko whenua i mahia i runga i te tika, i te whakaaro pai ano a nga tangata e tuku ana me era hoki e hoko ana, otira na te ahua o nga ture i te takiwa i whakaritea ai kia hokona, i kore ai e whai mana taua hoko: na te mea hoki e tika ana kia mau tonu kia whakatuturutia ana hoko i mahia nei i runga i te tika i te ngakau pai, e marama aua hoki te whakaritenga.
No Reira Ka Meingatia e te Runanga Nui o Niu Tireni e noho huihui nei i roto i te Paremete i raro ano i to ratou mana, ara:—
1. | Te Ingoa Poto o tenei Ture ko "Te Ture Whakamana i etahi Whakaritenga Hoko Whenua Maori, 1880." |
2. | Ma te Kawana e whakarite tetahi Komihana i raro i nga tikanga o tenei Ture. |
3. | Me tono atu ki te Komihana, e tetahi o nga tangata i uru ki aua tu hoko, me whakaatu ano hoki i roto i te tono nga tikanga me te nuinga o aua whenua Maori, me nga mea katoa e kiia nei i whakaritea i runga i taua tu hoko. |
4. | Ma te Komihana e whakarongo e titiro hoki te tika o aua kupu; a ka kitea e tika ana kia peratia, ka kitea hoki e te Komihana i whakaritea taua hoko i runga i te tika i te whakaaro pai, e tika ana hoki i runga i te whakapono me te ngakau tika kia whakaaetia kia whakatuturutia hoki taua hoko, me tuku e ia he tiwihikiti panui kia kaua e pa te "Ture Hoko Whenua Maori, 1880," ki nga whenua o roto o taua hoko. |
5. | Ma runga i tera, te kore ai e uru taua whenua ki raro i nga mahinga o te "Ture Hoko Whenua Maori, 1880." |
6. | Otira kaua tenei Pire e pa ki etahi whakaaetanga ki etahi whakaritenga hoko, i mahi, i timataria ranei, i muri mai i tetahi panui a te Kawanatanga i raro i te "Ture Hoko a te Kawanatanga i nga Whenua Maori, 1877," e pa ana kia nga whenua i raro i taua whakaaetanga kia hokona. |
7. | Kaua e tukua atu he tono ki te Komihana, kia Whakataua rano e te Kooti whenua Maori te take o aua whenua, e whakahuatia ana i roto i aua tono. |