Enga-Iwi-Nga reo-me nga Karangatanga maha o te Iwi Maori o Aotea-roa me te waipounamu te na koutou katoa. Ko te mihi tenei a nga Tumuaki o te nei Pukapuka korero ara te kia koutou katoa—me te mauma-hara—tangi-mihi hoki ki ratou kua huri ki tua o te arai.

Taea te pehea-i te ringa kaha o Aitua—.

Tenei e nga Iwi te koha o nga Tumuaki o tenei Pukapuka kia tatou nga uri o ratou kua tae ki tua o te Arai iroto i nga tau o te rau—tau-tawhito e hotu atu nei ki tua whakarere.

Tatou e tu moke moke nei i te ata tu o tenei Rau-tau-hou. Ko wai ka kite atu i nga taonga o roto i te putea o te wa—nga mata-kite nga kai korero kua ngaro ia tatou.

Kaati mai ra tenei te Karakia awhi-awhi a tenei waka a tenei waka a tatou a Aotea—Tena-pea kei roto i nga kupu ka kitea he pou whiri-naki-tanga mo etahi o tatou iroto i te ra rau tau hou e tu iho nei.

Ka u ka u ki uta,
Ka u ka u ki tai,
Ka u ki tenei rau tau hou,
Pikipiki maunga tangaengae
Pikipiki pari tangaengae
Kaihomai tangaengae
Hei ahua tangaengae
Mo tenei tauira tangaengae
Tahau-ora-tahau-ariki,
Mau e kai te manawa ora,
O tenei rau tau hou.
He uru-ora
Ko te whaka-uru-ora ki Te Kau-nunui
Ko te whaka-uru-ora ki Te Kau-roroa
Ko te whaka-uru-ora ki Te Rangi-nui
Ka uru-ora nga atua,
Ka uru-ora nga Tangata
Ka uru-ora nga Korero
Ka uru-ora nga wananga
Ko te whaka-uru-ora ki te kau-nunui
Ko te whaka-uru-ora ki te kau-roroa,
Ko te whaka-uru-ora ki te rangi e
tu nei
Te mouri kei runga
Te mouri e rangi
Te mouri o tenei ariki
Ko te mouri-ora-o-rauru
Tina taka te manawa-ora,
I tina ki whea?
I tina ki runga
I tina ki Rangi-nui e tu nei.
Tina toka te manawa-ora-o-rauru
I tina ki whea te manawa-ora?
I tina ki raro
Ki a papa e takoto nei
Tina toka te manawa-ora o tenei
Ariki,
Tina toka te parapara o tenei matua
Iwi
Tina toka te manawa-ora a Rangi-nui
e tu nei
Ko Rangi-Turuturua
Ko Rangi-Tamoua
E tu te Rangi take waiho
Ko te pou o te whakatina
Ko te pou o te whakatoka,
Ko te pou o te parapara
Ko te pou o tenei matua Iwi
Ko te pou o Rangi-nui e tu nei.
Awhi-nuku
Awhi-rangi
Awhi-toi
Awhi-papa
Awhi-kerekere
Ko tu kai awhitia te nuku
Ko tu kai awhitia te rangi
Tu a piti nuku
Tu a piti rangi
Tu Aropaki
Ko Rangi-turuturua
Ko Rangi-tawhitia
Ko te pou o te whakatina
Ko te pou o te whakatoka
Ko te pou o te Rangitawhi
Ko te pou o tenei matua Iwi
Tawhi ki a Rehua
Kia-Tama-i te ao-marama