The Laws of England, Compiled and translated into the Māori language.
1. Apatakihana.—Tango pokanoa i te Kotiro. *
[ko te tohutoro i roto i te reo Pākehā]
1. Apatakihana.—Tango pokanoa i te Kotiro. *
Me he mea ka tangohia ka puritia ranei tetahi wahine takakau, he whai na te hunga tango ki te taonga; tangohia ana, puritia ana taua wahine, kahore hoki ia i whakaae, he mea hoki na te hunga tango kia marenetia kia moea ranei e ia: na, he Hara-Kirimina ano tenei e ahei ana te Iniraiti ki te Kooti-Hupirimi. Heoi te tikanga o tenei, kei te wahine whai-rawa, tangohia pokanoatia ana e te tangata, he mea nana kia riro ai i a ia ona rawa. Kei te wahine kahore ona rawa, peratia ana, tangohia pakanoatia ana, tera ke te tikanga, me Iniraiti te tangata tango mo te Hara "Huaki." (Tirohia Nga Hara-Kirimina, "Huaki" 9.) Tetahi, me whakatakoto ki runga ki te tikanga Hara-Hiwhiri, me tono ki te Kooti-whakawa kia homai tetahi tikanga whakaora mona ka mate nei i te mahi he a te tangata nana i tango pakanoa, ara, i taua "Here-take-he" i a ia. (Tirohia Nga Hara-Hiwhiri.)