Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

The Laws of England, Compiled and translated into the Māori language.

§ 9

[ko te tohutoro i roto i te reo Pākehā]

§ 9.

Ka noho te tangata i raro i te Ture, he koha tana ki te Ture, a he koha hoki ta te Ture ki a ia. Ko tana ki te Ture, he rongo. Ko ta te Ture ki a ia, he tiaki, kei tukinotia ia e tetahi tangata, kei homai te he ki a ia, ki tona tinana ranei, ki ona mea ranei. Ki te kore he Ture, ko te iwikore ka pehia e te tangata kaha, a nui noa atu te raruraru. Na te Ture i ora ai i tika ai te noho. He Kawenata tuhonohononga ia na nga tangata, na te iwi katoa, he whakakotahitanga whakaaro na katoa, he huinga i te kaha i te uaua a katoa hei tiaki mo ia tangata mo ia tangata o ratou, kei whakatupuria kinotia e tetahi, kei pehia hetia.

E toru enei tino mea o te tangata e meinga nei te Ture hei tiaki.
1.Ko te Ora o tona tinana me tona Ingoa pai.
2.Ko tona tinana kia haereere noa, kaua e herea pokanoatia. Heoi te tangata maua e here tetahi tangata, ko te Kai-whakarite-whakawa anake, me take tika ia, me mahi he taua tangata. Ki te herea huhuakoretia e te Kai-whakarite-whakawa, he ngakau kino, he whakahaere he ranei nana, ko ia, ko te Kai-whakarite-wkakawa ka whiua e te Ture.
3.Ko to te tangata Whenua, Taonga, Rawa, me ona mea katoa, ka tiakina e te Ture, hei pupuri mana, hei mahi mana, hei tuka atu mana, kaua e ahatia e te tangata. Heoi te mea e pa ai te tangata, me whai tikanga pera na te Ture ano.