[ko te tohutoro i roto i te reo Pākehā]

§ 7.

Ko te mahi he ki te tangata ake, ma te tangata i mate i taua he e kawe kia whakawakia, e tono ki tetahi tikanga whakaora mona i runga i te whakawakanga. Na tenei te ritenga o te Hara-Hiwhiri, me whakarite. Na, he moni pea na Hone kei a Tamati, a kahore a Tamati e utu i aua moni; na, ka haere a Hone ki te Kai-whakarite-whakawa, mana e tuku te pukapuka Hamene hei tiki i a Tamati kia haere nui kia korero tahi raua ko Hone ki tona aroaro. Ka whakaritea e ia te ra hei haerenga mai. Na, ka tae mai raua, ka whakarongo ia ki ta raua korero, a ki te kitea e ia he korero tika ta Hone, ka whakahaua iho e ia kia utua aua moni e Tamati.

Na, me wkakarite ano. He witi pea na Wiremu i pau i te hoiho a Hemi, a kahore a Hemi e pai ki te utu:—ka mahia peratia ano e Wiremu, ka haere ia ki te Kai-whakarite-wkakawa; ma te Kai whakarite-whakawa e tuku Hrmene hei tiki i a Hemi; a ka whakarangona e ia ta raua korero, a ki te mea tona whakaaro he tika ano kia whai utu a Hemi ki a Wiremu, ka whakahaua iho e ia kia pera ano.

Te ingoa o tenei tu mahi he, he "Hara Hiwhiri" me tona Hamene hoki he "Hamene Hiwhiri."