[ko te tohutoro i roto i te reo Pākehā]

page xiii

§ 59—VII. Nga. Katipa.

Ko te Katipa, ko te Pirihimana, raua raua, Ko tetahi o nga Apiha o te Ture ia. Tana mahi, whakarite, he whakatutuki i nga kiauga iho a nga Kai-whakarite-whakawa. He mea whakaoati te Katipa, ki te aroaro o tetahi Kai-whakakarite-whakawa, kia mahia tikatia e ia a te Katipa mahi.

Na, ki te kitea e te Katipa, e pa ana te patu a tetahi tangata ki tetahi, e whakahopo ana ranei, e kupukupu atu ana ranei kia ahatia, ranei e ia te tinana o tera; e pai ana ma te Katipa e hopu kia mau, ka arahi i a ia ki te aroaro o tetahi Kai-whakarite-whakawa. Me he Hara-wheroni ranei kua tino meatia; na, me he mea e whai-take ana hei tupato pera, me hopu tonu e te Katipa te tangata i tupatoria e ia nana taua wheroni.

Me he mea ka araia te Katipa e tetahi tangata, i te mea e mahi ana i tana mahi Katipa, e tika ana ma te Katipa taua tangata nana i arai e hopu; engari, kei pa tana patu ki a ia. Ki to rangona e te Katipa te turituri ngangare kei roto i tetahi whare, e tika ana kia tomokia taua whare e ia. E tika ana ano ma te tangata noa iho e wawao te riri, e arai te whakamate-kohuru, tetahi atu Hara-wheroni ranei, kei meatia e tetahi tangata.

Ki te kitea e te tangata noa, e mamau ana nga tangata, meake pea mate tetahi;e pehea ana ranei, ata tana tetahi Hara-wheroni te meatia e tetahi; me rere ano ia hei arai; ki te kore, ko ia ka he.

Ki te mea he herehere tuhuti, tangata Hara-wheroni nei, e pai ana kia hopukia maoritia e te Katipa: nana ka whakanehenehe, aitua ana, mate ana i runga i te whakanehenehe mai ki te Katipa; ekore tera e meinga he Whakamate-kohuru na taua Katipa.

Ki te tino whakapaca putia tetahi tangata, ki te korerotia marietia atu e tetahi atu tangata ki te Katipa, kua meatia tetahi Hara-wheroni e taua tangata; me tino hopu ia e te Katipa; ki te kore, ko te Katipa ka he.

Ki te mea i tupatoria kautia e tetahi Katipa, me tupato whai take ia, e pai ana me hopu e ia te tangata i tupatoria e ia kua meatia e taua tangata te Hara-wheroni.

He mahi tuturu tenei ma te Katipa, ekore e tika kia mahue; ko te whakarite, ko te mahi i nga Harati a nga Kai-whakarite-whakawa.

Ki te kitea tetahi tangata e te Katipa, i te huarahi e haurangi ana, e pai ana kia mau i a ia; engari, me arahi e ia ki te aroaro o te Kai-whakarite-whakawn:—me ho mea he ngangare nui, tutu nei te puehu, e tika ana kia karanga te Katipa ki nga tangata katoa kia rere mai hei hoa mona, a kaua te tangata e turi ki tana karanga.

Ka hopukia te tangata e tetahi Katipa, me arahi tonu e ia ki te aroaro o te Kai-whakarite-whakawa, ka korero i ana korero mona, i hopukia ai, i puritia ai; kaua e whakaroaina noatis tona herenga e te Katipa ka whakatu ai ki te aroaro o te Kai-whakarite-whakawa.