Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

The Laws of England, Compiled and translated into the Māori language.

§ 50

[ko te tohutoro i roto i te reo Pākehā]

§ 50.

Kotahi tenei tikanga nui o te Ture. Kei wareware ki tenei. E kore rawa e tukua te "tangata whakawa" kia korero kotahi ki nga Kai-whakarite-whakawa i runga i te whakawakanga, ko ia anake. E kore ano hoki e tukua te tangata whakapae hara kia korero kotahi ki nga Kai-whakarite-whakawa i runga i te whakawakanga, ko ia anake. Engari kia tu tahi, ko te tangata whakawa raua ko tona hoa totohe, ara, te tangata karo whakawa, ki te Whakawakanga Mea Hiwhiri:—kia tu tahi ano hoki te tangata whakapae hara raua ko te tangata i whakapaea, ki te Whakawakanga Hara Kirimina. Me tu tahi raua ki te Whare-whakawa kia rangona at e tetahi nga kupu a tetahi.

E kore e tika kia whakarangona e nga Kai-whakarite-whakawa nga korero puku a tetahi tangata; me rongo katoa e te tangata e whakapaea ana nga korero mona, ka ahei ai i te Kooti tona hara te whakapono kia pono. He tika rawa tenei. He kupu tika ta Petuha ki nga tohunga nui, ratou ko nga kaumatua o nga Hurai, i te whakapaenga o Paora Apotoro ki te hara,—"Ehara i te ritenga na nga tangata o Roma kia tukua he tangata kia mate, i te mea kiano i "tutataki noa te tangata e whakapaea ana ki nga kai whakawa, me tuku ano ia ki te "whakahoki kupu ata ki te kupu whakawa."—Nga Mahi 25 Upeko, 16 rarangi.

Ko ta nga Romana tikanga i ana ra, ko ia ta tatou i enei ra. He mea mahi nui hei tiro hanga mai ma te ao katoa nga meatanga katoa ki nga Whare-whakawa.