[ko te tohutoro i roto i te reo Pākehā]

47.

Kei etahi Hara-Kirimina e ahei ano te waiho te tangata i whakapaea kia haere noa, kahore e puritia ki te Whareherehere; engari, me tino whakaae ia kia haere mai ki te Kooti i te ra e whakantea hei ra whakawa, kia whakawakia ia mo te hare i whakapaea ra ki a ia. Me pukapuka whakaae-moui, ana a ona hoa hoki hei whakakapi mona; ara, me whakarite he moni kia utua ki a te Kuini e ia e ona hoa hoki, ki te ngaro ia i te ra e noho ai te Kooti Hupirimi ki te whakawa Hara-Kirimina. Na, ka waiho nga pukapuka ra ki te Rehita o te Kooti Hupirimi, ka tukua ia ki ana hoa whakakapi mo tana; na, ma ratou ia e whakaputa a taua ra kia whakawakia. Ki te kore e whakaputaria, e whakaturia ki te aroaro o te Kooti, i taua ra; ko o ratou moni i whakaritea mo te hapa o te korero, ka meinga kia whakaputaina. Ki te kore moni, ki te kore e utna, ka tikina ka hokoua atu o ratou taonga aha; kia rite ra ano nga moni i meatia ra Te ingoa o tonei, he "Peira" i te tangata e whakapaea ana ki te Hara, kei puritia ki te Whareherehere i te wahi e tatari ana ki te nohoanga o te Kooti hei whakawa i tona hara. Kei nga Hara nui, e kore e ahei ta te Kai-whakarite-whakawa tango i te Peira. Kei ethai, ka waiho mana te whakaaro, kia tango kia kauaka ranei. kei etahi, ekaore e tika kia whakakahore atu ia, engari me tango ano, ki te meatia e te tangata o whakapaea ra kia homai. Ko te nui o te moni e whakaritea hei Peira, ma te Kai-whakarite-whakawa te whakaaro, kia hia ranei, kia hia ranei. Kia ata nui ano ia, kia wehi ai; kei hapa hoki te korero mo te tangata i whakapaea, engai, kia tae ano ia ki te Kooti whakawa kia whakawakia.