Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

The Laws of England, Compiled and translated into the Māori language.

45

[ko te tohutoro i roto i te reo Pākehā]

45.

Tenei ta nga Kai-whakarite-whakawa mahi i runga i nga Hara Kirimina. Ko tetahi tangata ka haere atu ki nga Kai-whakarite-whakawa, ki te. Whare-whakawa, ko Hone pea te ingoa; ka korero atu ia ki a ratou, Tera tetahi tangata, ko Mea te ingoa, ko Tameti pea, kua mea i tetahi Hara-Kirimina, kua tahae ranei, kua aha ranei Na, ka tuhituhia tonutia iho a Hone korero e nga Kai-whakarite-whakawa ki te pukapuka, ka meinga hoki a Hone kia tuhituhi i, tana ingoa ki taua pukapuka. Ki te mea he mea nui, ka whakaoatitia ia. Ka oti tenei; na, ki te whaka-arohia iho e ratou, e whai take ana te korero, e ahua tika ana te whakapaenga, ka mea ratou, Koia pea. he pono; na, he meatanga ano, ka tukua ta ratou Hamene Kirimina ki a Tamati; hei mea iho ki a ia kia haere mai ki te Where-whakawa, a tetahi ra ka whakaritea ka tuhia hoki ki te Hamene, kia whakawakia ia.

Na, he mea ano, ara, kei nga Hara nunui ia, ekore e tukua te Hamene; erangi, ka tukua ta ratou pukapuka "Warati-hopu," hei tiki atu, hei hopu tonu. Na, ka hoatu taua Hamene, Warati ranei, ki tetahi Katipa. Ki te mea he Hamene ia, ka haria e te Katipa, ka hantu marie ki a Tamati. Ki te mea he. Warati-hopu ia, ka haere te Katipa ki te tiki tonu i a ia arahi tonu mai ai ki nga Kai-whakarite-whakawa; a, ki te turi ia, ki te kore e haere pai mai, e pai ana kia toia maoritia mai.