[ko te tohutoro i roto i te reo Pākehā]

§ 42.—Kai Wuaki.

Me puta i konei he kupu mo nga tikanga o a nga Kai-whaki korero ki runga ki nga whakawakanga; ara, o a nga tangata e whakaturia ana hei korero i nga tikanga o tetahi mea e whakawakia ana. Ka whakaturia te tangata hei korero ki te aroaro o tetahi Kooti-whakawa me he tangata ia e whakapono ana ki Te Atua, ka whakaoatitia kia tika tana korero;—"Ko te tika; ko te tika katoa; ko te tika anake," tana e korero ai. Me he mea e hara i te tangata e whakapono ana ki Te Atua, ekore e whakaoatitia, erangi ka meinga kia tino whakaae poao ia kia korero ia i te tika, i te tika anake.

He mea tapu rawa tenei mea, te Oati. He karanga marire atu ia ki Te Atua, kia waiho i runga i te tikanga o tana korero, ka korero atu nei ia, ta Te Atua whakaaro ki a ia; ara, ki te teka tana korero, kia teu ta Te Atua riri kino ki a ia; a, ki te pono, kia atawhaitia ia e Ia: he inoi ra ia ki Te Atua, kia tino whiua ia, ki te teka tana korero. Na konei, ka tino wehi rawa te tangata ki te korero teka ki te aroaro e te Whakawakanga, ina whakaoatitia. Ko te Outi teka, he mea whakamataku rawa. He whiu ano tona ki rera ao.

He whiu ano hoki tetahi Ki tenei ao; he mea whakarite na te Ture, mo te tangata e korero mohio ana i te teka i runga i te Oati; e korero marire iho ana ranei i te teka, ki runga ki te Whakawakanga (Tirohia "Oati-teka," 70) Ki te tukua noatia te kupu teka kia korerotia e te tangata ki te aroaro o te Whakawakanga, tena e poke rawa nga matapuna o te whakawa tika. Na konei, he pakeke rawa ta te Ture tikanga mo te tangata mahi pera; he taimaha rawa tona whiu.