Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

The Laws of England, Compiled and translated into the Māori language.

§ 40

[ko te tohutoro i roto i te reo Pākehā]

§ 40.

I te ra i whakaritea hei ra whakarongo i ta raua korero, ka mene mai te hunga o te whakawa, ka korero te tangata nana te whakapae, ara, te "Tangata-whakawa"; ka korero ano hoki ana Kai-whaki i a ratou i mohio ai.

Na, ka ninia te tangata whakawa me ana Kai-whaki hoki e te "Tangata-karo-whakawa," ara, e te tangata i meatia e tera, kua whai hara ki a ia; me haere tana patai i runga i a ratou kupu i korero ai ratou, he mea ano hoki nana kia puta ai he kupu na ratou hei whakatika i a ia, hei whakaatea mana i a ia.

Muri iho, ka uiuia hoki e nga Kai-whakarite-whakawa, hei whakamarama, kia tino marama ia nga kupu kihai i ata marama i a ratou te whakarongo atu.

Ka mutu ia te tangata whakawa, ratou ko ana Kai-whaaki, ka tahi ka korero te tangatakaro, (ara, tera i whakapaea,) me ana Kai-whaki ano hoki; a ka uiuia ano ratou e te tangata whakawa, ka uiuia ano hoki e nga Kai-whakarite-whakawa, kia ata poto katoa mai ai nga aha [unclear: korero].

Na, ka poto katoa nga korero o tetahi taha, o tetahi taha, ka hurihurihia e nga Kai-whaka-rite-whakawa, ka ata whakaaroarohia; a kia kitea ra ano e ratou te like, kei tehea ranei, kei tehea ranei.

page ix

Ka oti; ka tahi ka whakapuakiha te kupu whakaotinga, ara, te Ki-whakawa a te Kooti taua mea. He mea korero nui tenei, kia rongo ai nga tangata katoa. Ko tenei Ki-whakawa a te Kooti, ekore e hanga noatia ake; he mea tino waiho i runga pu i nga korero i whakina ki te aroaro o nga Kai-whakarite-whakawa, i a nga Kai-whaki; he mea waih ano hoki i runga i ta te whakaaro tika raua ko te hinengaro marama i kite ai hei whakaritenga tika mo taua mea.

Na, kia puaki i nga Kai-whakarite-whakawa taua Ki-whakawa a te Kooti: oti tonu iho; mutu tonu iho i reira taua mea.