The Laws of England, Compiled and translated into the Māori language.
§ 39
[ko te tohutoro i roto i te reo Pākehā]
§ 39.
Mehemea tera ano he tangata e mohio ana ki etahi tikang a o ta raua wahi, a meatia ana e tetahi o raua kia whakapuakina te korero a taua tangata ki runga ki te whakawakanga; na, me tono e te tangata i hiahia pera, me mea atu ki te Kai-whakarite-whakawa, mana e tuku tana hamene ki taua tangata kia haero mai ki te whakawakanga hei Kai-whaki.
Ki te mea ka turi te Kai-whaki, kaore e tae i te ra i whakaritea, e ahei ana kia whainetia, are, kia meinga kia utu, kaua ia e neke ake i nga Pauna kotahi tekau. I peneitia e te Ture, he mea hoki, ma te noho atu o taua Kai-whaki ka he ai pea te korero o tetahi o te hunga no raua te mea e whakawakia ana; he ngaro no etahi o nga korero, kaore hoki i whakaputaina. Penei, e whakahenga huhuakoretia pea taua tangata e te Kooti; whiwhi huhuakore noa iho ia ki te he. Na konei i [unclear: ai] te Kai-whaki, i tino meinga ai hoki kia haere mai; a kaua rawa ia e turi, e noho ato, kia tika ai hoki te whakarite a nga Kai-whakarite-whakawa.