The Laws of England, Compiled and translated into the Māori language.
§ 38.—Mea Hiwhiri
[ko te tohutoro i roto i te reo Pākehā]
§ 38.—Mea Hiwhiri.
Ko tetahi o nga mahi nui ma enei Apiha, he whakarongo, he whakariterite, i nga whakawakauga mea Hiwhiri. Otira, ekore ratou e pokanoa; ma te tangata ano e haere ki a ratou korero ai i tone mea, ka tahi ka mahia e ratou.
Kaua ratou e whakarongo korero i waho o te Kooti, mo tetahi mea e kawea mai ana ma ratou e whakarite; engari hei nga ra kua matua whakaritea nuitia hei ra nohoanga mo te Kooti, ara, hei ra whakawa, kia mohiotia ai e te tokomaha katoa. Hei aua ra ka noho ratou ki roto ki te Kooti-whakawa ki te whakarongo mea pera.
Ko te tangata he mea whakawa tana, me haere ki nga Kai-whakarite-whakawa ki reira, ki te Kooti, tono ai ki te hamene mo te tangata kua whai hara ki a ia. Na, ki te whakaaro te Kai-whaka-[unclear: rit]-whakawa, he tika, ka tukua tana hamene mo te tangata e meatia ana e tenei nana te mahi he ki a ia; ka whakaritea te ra hei whakarongo i ta raua korero, ka tuhia hoki ki te kamene.
Ko te hamene, ka tukua ki te tangata i haere ra ki te Kai-whakarite-whakawa, mana te whakaaro kia tae taua hamene ki te tangata e meatia nei e ia kia whakawakia. Kaua ano hoki e whakaroaina; engari, kia hohoro te tae ki a ia, kia whai takiwa ai ia mo te whakarite i tana korero; mo te haere hoki ki te wahi i whakaritea i roto i te hamene i te ra i whakaritea hei ra whakawa i taua mea.