Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

The Laws of England, Compiled and translated into the Māori language.

§ 33

[ko te tohutoro i roto i te reo Pākehā]

§ 33.

Na ka whakawakia ano e taua Kooti, ka peratia me tera i korerotia ake nei (Tirohia § 27.) Ka whakarangona e te Kai-whakarite-whakawa Tumuaki ratou ko te Huuri nga korero katoa a nga Kai-whaki, oti noa; a, muri iho, ki te mea to ratou whakaaro he tika te whakapae, ae, he pono, na te herehere nei i kohuru te tangata i kitea ra; na, ka kiia iho e te Kooti kia whakamatea. Tena, ki te mea ratou, ehara i a ia; na, ka whakaharakoretia e ratou, ka tukua kia haere. Na, he mea ano, ki te mea te whakaaro o te Huuri, he mea whakamate ano nana taua tupapaku, otiia, ehara tana whakamatenga i te whakamate tino kohuru, engari, he Whakamate ohia noa, oho noa ake nei, he mea tupono aitua noa, kahore i tu a kohuru; na, ka whakangawaritia te whiu mona. A, he mea ano, ka mea te whakaaro o te Huuri, ehara i te Whakamate-kohuru, ehara ano hoki i te Whakamate oho noa nana; na, ka whakaharakoretia e ratou, ka tukua te tangata i herea ra kia haere. (Tirohia "Whakamate-kohura," 65.)