The Laws of England, Compiled and translated into the Māori language.
§ 32.—V. Korona
[ko te tohutoro i roto i te reo Pākehā]
§ 32.—V. Korona.
Tenei ano tetahi Apiha, Kai-whakahaere i te Ture; ko te Korona tona ingoa. Tana tino mahi, he rapu i te take ina mate tuku-tata tetahi tangata, mate aitua ranei. Ara, kei nga wahi penei. Kitea ana pea te tupapaku tangata i roto i te wai, i hea ranei. Na, ka tae te Korona, ka kareretia atu, ka Hamenetia, etahi tangata o taua wahi hei Runanga Huuri, hei rapu i te take i mate ai taua tupapaku, he mea pehea ranei, he mea pehea ranei. Na, ka haere raton, taua Runanga me to ratou Tumuaki me te Korona, ki te titiro i te tupapaku; a ka ata kimihia tonutia i reira e ratou te take i mate ai taua tangata; ka tikina nga tangata e mohio ana ki tetahi aha ranei, aha ranei, o taua mea; ka uiuia e te Korona. Ka ata patairia e ia me e mohio ana ranei ki te take i mate ai; me te hunga na ratou te kitenga whakamutunga i taua tangata, i te mea e ora ana, ka ata uiuia e ia; a taea katoatia e ia te kohikohi nga tikanga katoa o taua mea, hei—[unclear: takitaki], hei hurihuri, ma ratou ko taua Runanga Huuri.
page viiNa, ki te mea te whakaaro o taua Huuri, i mate noa iho te tangata ra, penei me te mea e taka ana ki te wai, paremo noa iho; na, ka waiho i runga i te pera te puakanga o to ratou kupu. Heoi ano; tanumia atu te tupapaku; mutu iho i reira.
Engari, ki te mea te whakaaro o taua Runanga Huuri, he mea whakamate-kohuru na tetahi tangata taua tupapaku; ka tukua e te Korona tana Pukapuka-warati ki nga Pirihimana, kia hopukina te tangata i tupatoria ra nana i kohuru. Na, ka kawea taua tangata ki te Whareherehere, kia whakawakia e te Kooti Hupirimi, whakawa nui nei.