Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

The Laws of England, Compiled and translated into the Māori language.

§ 24.—Roia

[ko te tohutoro i roto i te reo Pākehā]

§ 24.—Roia.

Ki te mea te hunga e haere mai ana ki te whakawa kia tukua tana korero ki tetahi Roia mana e whakahaere, e pai ana ano.

He tangata tenei, te Roia, kua tupu ake i runga i te whakaako tonu ki nga tikanga o te Ture, o te mahi whakawa; a, tona mahi, he tu ki te aroaro o te Kooti-whakawa, hei whakapuaki i nga korero o te tangata i tu nei ia hei hoa mona, ara, o te tangata ranei nana te whakawa, o te tangata ranei e karo ana i te whakawa a tera. Ma taua Roia e uiui nga Kai-whaki, mana e kohikohi, e whakatakoto ki te aroaro o te Kooti-whakawa, nga tikanga me nga korero katoa hei whakatika i tona taha.