The Laws of England, Compiled and translated into the Māori language.
§ 2
[ko te tohutoro i roto i te reo Pākehā]
§ 2.
I mua, i te mea e noho kuware ana nga tupuna o te Pakeha, kahore i whai Ture pai a Ingarani; kahore he Kai-atiati mo te mahi he. I reira, i waiho ko te kaha o te tangata hei ture maua, hei ture pehi i te tangata iwi kore. Noho wehi, noho he noa ihe te noho o te tangata i reira. Ko te ahua i pera me te ahua o te tangata Maori i muamua ake nei, puta noa te motu nei, he noho kino noa iho; he pakanga, he tanuhuruhuru, he patu tangata, he aha, he aha; ko a te kuware ko ana mahi.
page iiNawai a, ka tae te Whakapono ki Ingarani; muri iho ka tupu te whakaaro kia whakatakotoria he Ture, hei pehi i te kino, hei whakatupu i te pai, hei whakaatanoho. I maharatia hoki e te hunga whakaaro nui, ki te kore he Ture hei whakaatanoho, e kore e tupu hei iwi nui, rangatira, whai rawa. Ka tahi ka hanga e ratou he Ture, whakatakoto rawa, whakapumau rawa.
Ko te hunga mana e whakatakoto nga ture, ko nga tino Rangatira me nga Kaumatua, mohio, me nga Pihopa, me nga tangata hoki i whakaturia e te iwi katoa hei mahi i taua mahi. Ko te Kingi ano hei Tumuaki, hei whakatapu, hei whakapumau; ko enei hei Runanga whakatakoto i nga Ture, a kei te wahi e meatia ana kia hanga he Ture hou, kia whakaputaina ketia ranei tetahi o nga Ture, ma enei Runanga e mahi. A, tuku iho nei ki enei ra, ko taua ritenga nei ano e mau nei, ko nga Runanga-whakatakoto Ture te mahi nei ano i taua mahi. Na reira ka whakahonoretia, ka whakanuia, ka whakamaua, ka matapoporetia nuitia e te iwi katoa tana Ture; e kore e tukua tetahi tangata kia whakanehenehe kia tekahi i taua Ture kia tutu ranei ki ona Kai-whakahaere, ki ona Kai-tiaki, ki nga Kai-whakarite-whakawa, ki nga Katipa. Ko te iwi nui tonu hei hapai hei whakakaha. Heoi te tangata e whakakino ki te Ture i meinga hei matua mo nga tangata, ko te tangata mahi kino ano;—a, ekore tena tikanga e puta i te toko-maha o te iwi hei pehi hei hapai i nga tikanga o te Ture, a ki te whakanehenehe ia ka riro katoa nga tengata hei katipa kawe i a ia kia whakawakia, kia whiua tona hara e te Ture.