The Laws of England, Compiled and translated into the Māori language.
§ 13
[ko te tohutoro i roto i te reo Pākehā]
§ 13.
Kei a te Kawana te tikanga mo nga Hoia; mana e mea kia haere ki tera wahi, kia aha ranei, he whakarongo kau ta ratou. Me he mea ka ara te whawhai, ko te iwi ke ranei e whakaeke mai ana i tenei whenua, ko te taututu ranei ki a tatou nei ano ranei; ma te Kawana te pukapuka ki a Te Kuini kia tonoa mai he Hoia, he Manuwao; a ka tonoa tonutia mai ano e Te Kuini ana tini Hoia me ana Munuwao, taea noatia taua whawhai, taua tutu ranei, te pehi. Ahakoa poto katoa mai ona mano tini Hoia, Kaipuke, e kore e kaiponuhia atu, engari kia taea ra ano te wahi i unga mai ai.