[ko te tohutoro i roto i te reo Pākehā]

page iv

§ 11.—I. Ko Te Kuini.

Ko to Kuini hei tuatahi. Ko ia hei tino Tumuaki, ko ia te tino Kai-tiaki o te Ture. To te Kuini ahua ki Niu Tirani, ko Te Kawana. He tini nga whenua e nohoia ana e o te Kuini tangata, he tawhiti, he tatahi noa atu, a ekore e ahei tana tirotiro i a ratou katoa; na reira, ka whakaritea e ia etahi Rangatira o tona iwi, ka tonoa e ia ki aua whenua hei Kawana, hei Tumuaki mo nga Kai-whakahaere o tona Ture ki aua whenua. Nana nga tikanga i a ratou, ko ratou hei ritenga mona ki aua wahi. I peratia ano tana whakaritenga i te Kawana mo Niu Tirani nei.