Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

The Laws of England, Compiled and translated into the Māori language.

§ 1

[ko te tohutoro i roto i te reo Pākehā]

page break

§ 1.

He korero whakaatuatu tenei nga tikanga o tenei mea e whakamaoritia atu nei tona ingoa, Ko to Ture,—Ko te Ture o Ingarangi,—Ko te Ture o te Kuini.

E rua nga Ture e whakahaerea ana i te ao nei;—ha Ture Atua tetahi;—he Ture tangata tetahi.

Ko te Ture Atua, koia tera kua takoto te tuhituhi kei nga Karaipiture Tapu. He whakatakoto ta te Ture Atua i nga tikanga mo te wairua, mo te hinengaro o te tangata. He paraire tana i te ngakau o te tangata. He whakahe ta te Ture Atua i nga whakaaro kino, i nga hiahia kino o te ngakau, tona putanga ki waho, to aua kitahia kino, ko nga mahi kino a te ringaringa. He whakaatu ta taua Ture i te whiu mo te kino, ahakoa kei roto i te ngakau e huna ana, kei waho ranei i te tinana e whakaputa ana.

Ko te hunga kei a ia te tikanga whakahaere, whakaatuatu hoki i nga tikanga o te Ture Atua,—ko nga Pihopa; me nga Minita, me nga Kai-whakaako.

He whakatakoto ta te Ture tangata i nga tikanga mo te tinana, mo nga mahi a te tangata. Ekore te tangata e tau hei titiro i te ngakau o te tangata, na reira, e kore e ahei tana whaka takoto Ture hei paraire mo te ngakau, erangi hei paraire mo te tinana. He whakahe ta te Ture tangata i nga mahi kino a te tangata, i nga putanga atu o nga whakaaro kino hei mahi kino. Ho whakarite ta te Ture tangata i nga whiu mo aua mahi kino.

Ko te hunga kei, a ia te tikanga whakahaere, whakaatuatu hoki i nga tikanga o te Ture tangata, ko Te Kuini ki Ingarani, ko Te Kawana ki konei, ko nga Kai-whakarite-whakawa hoki me nga tangata i whakaritea e Te Kuini mo taua mahi. Ko te Kai-tiaki me te Kai-whakamana, ko nga tangata whakaaro tika katoa, ko te Iwi nui tonu.

Ahakoa Ture Atua, Ture tangata ranei, kia kotahi ano tona take, ko Te Atua ano. Ko te Ture. Atua, he mea whakaatu mai na Te Atua: ko te Ture tangata i pai, he mea hanga e te tangata ki runga ki te Ture Atua. No mua tera, te Ture Atua, no muri tenei, te Ture tangata. Mo roto tera, mo waho tenei. No roto te kino. I roto ano, kua kitea e Te Atua, e riria ana e Tona Ture, a ka whiua ano e Ia. Engari, kia puta ki waho hei mahi kino, ka tahi ka kitea e te tangata, ka tahi ka ahei te riri e tana Ture, ka tahi hoki ka ahei te whiu e tana Ture.

Ko nga tikanga o te Ture Atua, ara, o te Whakapono, e kore e korerotia i konei. Ko ta tatou e korero ai inaianei ko nga tikanga o te Ture tangata, ara, o te Ture o te Kuini, e whakatakoto nei i nga tikanga mo nga mahi a te tangata, e riri nei, e whiu nei i nga mahi kino.