Hare ra, e Pa, i te ara haukore,
Taku ate hoki ra, taku pa kairiri
Ki te ao o te tonga;
Taku manu-korero ki te nohoanga pahii,
Taku manu hakahaka ki runga ki nga iwi.
Houhia mai ra te matua
Ki te kahu Tahu-whenua;
Houhia mai ra te matua
Ki te kahu Taharangi.
Marewa e te iwi
Nana i whitiki taku motoi-kahurangi,
Ka mau ki te taringa;
Taku koko-tangiwai
Ka mau ki te kaki;
Taku pou-mataaho e tu i te whare.
Kia tu mai koe i te ponaihu o te waka,
Kia whakarongo koe te wawara tangi wai hoe.
Waiho i muri nei to pukai-kura—i!