My Eyes are like the Flax-Flowers
Whakapukepuke ai au—e
Te roimata i aku kamo,
He rite ki te ngaru
Whati mai i waho—e!
Taku turanga ake
I te taha o te rata,
Ka titiro atu
Ki te akau roa—e!
Ko te rite i aku kamo
Ki te pua korari;
Ka pupuhi te hau,
Ka maringi te wai—e!
Ko te rite i ahau
Ki te rau o te wiwi,
E wiwiri nei
He nui no te aroha—e!
He aroha taku hoa
I huri ai ki te moe,
Hei hari atu
Ki raro Reinga e te tau—e!