Ko Aotea te waka,
Ko Turi tangata ki runga,
Ko te Roku-o-whiti te hoe.
Piri papa te hoe!
Awhi papa te hoe!
Toitu te hoe!
Toirere te hoe!
Toi mahuta te hoe!
Toi hapakapa te hoe
Kai runga te rangi.
Ko te hoe nawai?
Ko te hoe na te Kahu-nunui;
Ko te hoe nawai?
Te hoe na te Kahu-roroa.
Ko te hoe nawai?
Ko te hoe no Rangi-nui-e-tu-nui.
Tena te waka,
Ka tau ki Tipua-o-te-Rangi,
Ki Tawhito-o-te-Rangi,
Nga turanga whetu o Rehua.
Hapai ake au
I te kakau o taku hoe,

page 202

I te Roku-o-whiti.
Whiti patato, rere patato,
Mama patato.
Te riakanga, te hapainga,
Te komotanga, te kumenga,
Te riponga, te awenga
A te puehutanga
O te wai o taku hoe nei.
Kei te rangi, hikitia!
Kei te rangi, hapainga,
Kei te aweawe nui no Tu.
Tena te ara ka totohe nui,
Ko te ara o tenei Ariki,
Ko te ara o tenei matua iwi,
Ko te ara o Rangi-nui-e-tu-nei,
Nguaha te kakau o taku hoe nei,
Ko Kautu-ki-te-Rangi.
Ki te rangi, hikitia;
Ki te rangi, hapainga;
Ki te rangi tutorona atu,
Ki te rangi tutorona, mai.
Ki te rangi tu te ihi,
Ki te rangi tu te koko,
Tu te mana, tu te tapu,
E tapu tena te ara,
Ka totohe te ara
O Tane-matohe-nuku,
Te ara o Tane-matohe-rangi,
Ko te ara o te Kahu-nunui,
Ko te ara o te Kahu-roroa,
Ko te ara o tenei Ariki,
Ko te ara o tenei tauira,
Tawhi kia Rehua,
Ki uta mai, te ao marama;
E Rongo-ma-Tane,
Whakairihia!