Other formats

    TEI XML file   ePub eBook file  

Connect

    mail icontwitter iconBlogspot iconrss icon

Fishing Methods and Devices of the Maori

22. Te Mauri O Te Pakake Kei Te Mahia —

22. Te Mauri O Te Pakake Kei Te Mahia

Na, ko te mauri o te pakake kai Purakautahi i Te Mahia, kai reira e takoto ana, rite tonu te ahua ki te pakake. Ko te mauri tera o te pakake, ko te take tera e haere mai nei te pakake ki Te Mahia, haere tonu mai ki uta. Ahakoa haere te pakake i te nui o te moana ka mahara ake ano ki to ratou mauri, ka haere ano ki Te Mahia. Na, ka kite nga tangata o tera wahi, o Te Mahia, i te kauika pakake e haere ana i waho kua mohio ona tangata e haere atu ana ki uta. Na, ka tapu te one, e kore rawa te tangata e haere ki te one; ki te takahia te one e te tangata, ahakoa tata te kauika pakake ki uta, ka hoki ano ki te moana. No reira ka kitea e kore rawa te one e takahia; engari kia pae rawa te pakake ki uta, mate rawa ki te one, katahi ano ka haere atu nga tangata, he haehae kau te mahi.

Na, he mauri to nga pakake, he mauri to nga tangata, he mauri to nga tuna, he mauri to nga manu, he mauri to nga ika, na reira i mate ai enei mea katoa i te makutu; ki te makututia e te Maori enei mea, ka mate, ngaro tonu atu; ahakoa nui enei mea, ki te makututia ka ngaro.