Other formats

    TEI XML file   ePub eBook file  

Connect

    mail icontwitter iconBlogspot iconrss icon

Fishing Methods and Devices of the Maori

20. Ko Te Karakia Tenei Mo Te Waka Me Ona Mea — Katoa

20. Ko Te Karakia Tenei Mo Te Waka Me Ona Mea
Katoa

(Another formula recited by seafarers over their vessels)

Tenei au he tamaroa, he tama nguha
He tama na nga tipua, he tama na nga tawhito
He tama na nga apa nuku, he tama na nga apa rangi
Ka tautoro atu ki te tama iara na Mumuwhango
Na mumuatea, atea nuku, atea rangi
He toiere tu, he toiere tau
Ka tau ki tenei tipua, ki tenei tawhito, ki tenei tama
Tama tauira, tama taura ki enei pia
He pia aro nui, he pia aro akaaka
page 248 Kia rere te maramara o to iho
Kia rere te tatea o to iho nui, o to iho roa
Ko wai taku toki? Ko te Rakuraku a Tawhaki
Ko wai taku toki? Ko te Aho a Maui
Ko wai taku toki? Ko Hui-te-rangiora
Ko wai taku toki? Ko Whitirau taku toki
Ka waerea te uru tira, ka waerea te uru matua
Ka waerea te uru toiora ki enei pia
Ki enei tama uru nuku, ki enei tama uru tu
Ki enei tama uru hau, ki enei tama uru ngana
Ki enei tama akaaka nui
Tuwhera ake ra to riu, he riu au taha.
He riu au wai, he riu au moana
He riu whakaeke nuku, he riu whakaeke tuatea
He riu whakaeke hauparoa, he riu whakaeke tipua moana
He riu whakaeke Tangaroa-mautai, he riu whakaeke kauika
He riu whakaeke paikea, he riu whakaeke i te wehenga kauki
Ka tau ki tenei tama, ka tau ki tenei aro
Ka tau ki tenei pia, ka tau ki tenei taura
Na enei tipua, na enei atua he tama nui, he tamaroa
He tama whakaputa ki te toiora ki uta ki take whenua
He ihinga nuku, he ihinga rangi ka tau, ka tau ki taku aro nui
He waiora no enei tama, he toiora ki uta
Tamaua take ki tuawhenua. Hui .. e! Taiki .. e!

Ka mutu i konei te karakia waka, ka oti te waka i konei, ahakoa haere i te moana koia nei ano te karakia.