18. Na, Mo Te Matau Hi Ika Tenei Karakia

Tenei au he atu [? au tu], he au noho ki nga tipua aro nui, aro rangi, aro nuku
Ki tenei taura na nga tipua, na nga tawhito nuku, nga tawhito rangi
Ki enei matau riki, ki enei matau piha, ki enei matau pakiwaha
Kia tau aro, kia tau whiwhia, kia tau rawea mai Kia piri mai ki tenei tama, kia rawea mai ki tenei tamaroa
He awhi tu, he awhi noho taumanu kia tamaua take
Kia tamaua piri, kia kai nguha, kia kai aro, kia kai apuapu
Kia taketake nui, kia taketake aro ki enei matau
Hirere awa, hirere au, hirere moana
Tamaua, tamaua take, eke eke uta ki runga i taku waka .. e
Hui .. e! Taiki .. e!