17. He Karakia Taki Ika Tenei Ki Te Tauranga

Tenei au kei te koronga nau, e Tangaroa-a-tai .. e .. i
He koronga ka turuki atu nei ki a koe ki roto o Rangiahua
Ki roto o Huakipouri, ki roto o Moana-te-waiwai
Ki roto o Wharerimu, ki roto o Wharepapa
He koronga ka tu ki a Hine-moana .. e . .i
Naumai, e nga ika whakawaiwai a taku aro e ki taumata matira
He koronga no Ikatere moana kia tae ia ki te koronga ma Tane-matua
Kia tae koe ki nga uru kiokio ki runga o Ahurangi ra .. e
Kia whangaia koe ki te kai nana ai koe
Kia kai koe i te ihinga nui, i te ihinga whakaapuapu
Kia tina i roto, kia tina ika tere moana; kia tina ika riki
Kia tina ika whakatamatama, kia tina Tangaroa-whatu
Kia whakamara ai koe he eanga nuku, he eanga taurewa
Tamaua i roto, tamaua i te pu i roto, kitakita
He eanga nuku, he eanga ki runga i to taumata whakawai ai koe
E tamarahi i te ata, tenei au, auaha ki tai, auaha ki uta
Ka ngarue i konei whare ripo, ka ngarue i konei tamatane
Ki to aro, he aro ki runga i te waka
Tina mai, hikitia mai ki runga ki to ara
He ara tere moana, he ara tere nguha ki tai ra
Ka turaki ki uta ki a Hine-aronui, ki a Hine-te-iwaiwa
E whakaeneene mai ra tamarahi ki uta nei .. e ..i.