Other formats

    TEI XML file   ePub eBook file  

Connect

    mail icontwitter iconBlogspot iconrss icon

Fishing Methods and Devices of the Maori

10. Ka Whakanohoia E Ruawharo Te Pipi Me Kuku Ki Te Tai Rawhiti

10. Ka Whakanohoia E Ruawharo Te Pipi Me Kuku Ki Te Tai Rawhiti

Na, ko tenei tangata ko Ruawharo ko te tangata tenei nana te pipi i whakatipu ki nga one o Aotearoa. Ko te take i whakatipuria ai hei kai ma ana tamariki, wehewehea marietia e ia ana tamariki ki tera wahi, ki tera wahi. Ko Hinemuhu ki tera wahi, ka waiho ano he pipi hei kai, tipu tonu atu. Ko Taupunga ki tera wahi, ka waiho ano he pipi hei kai, tipu tonu atu, pena tonu. He kuku etahi o ana kai i whakatipu ai ma ana tamariki. He nui ana tamariki i waiho ki nga tahatika o Aotearoa noho ai, he kohatu te ahua o aua tamariki inaia nei, engari e mohiotia ana e nga Maori inaia nei he ingoa katoa o ratou.