Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

[Proceedings of some conferences held by Te Aute College Students' Association, 1897-1901, 1906]

[hua]

page 11

No te Paraire te 29 o nga ra o Hanuere ka tu te Hui; i tata ki te 40 nga tamariki i tae mai, apiti atu ki etahi hoa pakeha e whakahaere ana i nga mahi a Te Hahi Mihinare i Waiapu, Heretaunga me Whakatu.

Kaore he tino mahi i oti i te Paraire me te Hetarei. He ra ahuareka era-i meatia ano kia ata tau te manuhiri, ka timata ai te te korero. No te Ratapu ia Hapata Wiremu (o te Raukahikatea Turanganui) me Te Tatana, Mahita o Te Aute, nga kauwhau. Ta Te Tatana he whaikorero tonu ki ona tamariki mo to ratou whakaaro nui i takahia mai ai e ratou te roa o te whenua ki te manaaki i te powhiri atu kia ratou. Ko nga mahi o tenei hui ki tana ki me mahi i raro i te mana o te Atua me te whakawhirinaki atu ki tona kaha. "Me mahi tahi tatau me te Atua; ma reira anake hoki ka taea ai nga mahi nunui."

I whakamaramatia e Hapata Wiremu te tikanga o tenei mea o te matauranga ko tetahi tu no te hinengaro; ma te korero pukapuka me te u ki te ako ka whanui haere ai tena matauranga. Ko tetahi tu i ahu mai i te Atua, no te wairua. Kia roa te tangata e haere ana i te ao e matakitaki ana ki a te ao mahi, ka riro mai ai i a ia tena matauranga, ara, ko ta Horomona e kauwhau nei i roto i ana "Whakatauki."