Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Reports of meetings on Māori Church matters, 1872-1888

Nga Mahi a te Hui o Te Hahi Maori o te Atirikonatanga o Te Waimate I Te Pihopatanga o Akarana. I Noho Ki Kaitaia i a Hanuere 12, 13, 1877

page break

Title Page

Nga Mahi
a te
Hui o Te Hahi Maori
o te Atirikonatanga o
Te Waimate

I Te Pihopatanga o Akarana.

I Noho Ki Kaitaia i a Hanuere 12, 13, 1877.

Auckland: William Atkin, Church and General Printer, High Street, 1877.

page break

Nga Tangata O Te Minenga Tuatoru O Te Hui Tuatoru O Te Hahi Maori O Te Atirikonatanga O Te Waimate I Te Pihopatanga O Akarana.

Ko Te Pihoha o Akarana Te Upoko.
Nga Minita.

Ven. E. B. Karaka, Atirikona o te Waimate

Bev. J. Matiu Kaitaia.
Bev. Matiu Taupaki Paihia.
Bev. Piripi K. Patiki Hokianga.
Bev. Renata Tangata Oruru.
Bev. Rupene Paerata Parengarenga.
Bev. Hare Peka Taua Waimate.
Bev. Matiu Kapa. Kaikohe.
Bev. Meinata te Haara. Kaitaia.
Bev. Arekahanara Whareumu. Whangarei.
Bev. Reihana Kamiti Ahipara.
Nga Mangai Reimana.
Hare Ianga Kaikohe
Hare Napia. Waimate.
Ihaka te Tai. Paihia.
Tamati Poa Mangakaakia.
Rewiri Kinaki. Omaru.
Hupata te Kaakaa Kaitaia.
Heiwari Tauawatea Kaitaia.
Te Wiki te Paa Parengarenga.
Riwi Taikawa. Whangarei.
Reihana Paraone Maiparera.
Whangaroa.
page break

I Mine te Hui o te Hahi Maori o te Atirikonatanga o te Waimate, ki te Whare karakia o te Kai-Whakaora, Kaitaia i a Hanuere 12, 1877 Te karakia, ko tera i whakaritea mo te timatanga o te Hinota. E rua rau tangata ki te karakia, e rua tekau ma rima i tango i te Hapa a te Ariki. Ko nga ohaohatanga (£1 19s. 9d.) i tukua mo nga mahi a te Hui.

I te korenga o te Pihopa, ko te Atiririkona o te Waimate te Upoko. Ka mutu te inoi mo te Hui o te Hahi Maori, ka karangatia e te Atirikona nga ingoa o nga tangata o te Hui, na ka kiia e te Upoko he Hui e rite ana ki ta te Ture. Ka tahi ka tu te Atirikona ka korero.—Ko ana korere ena.

E hoa ma, e nga Minita, e nga Mangai Reimana, tena koutou. He oranga ngakau tenei ina hoki ka huihui tahi tatou i runga i te mahi tohu a te Atua. Katahi nei te Hui i kitea ai nga minita katoa o te Atirikonatanga, a kotahi anake o nga Mangai Reimana i ngaro atu. Te take i kore ai i tae mai a te Pihopa, he haere nona ki te Hinota Nui meake nei mine ki Nerehona (Nelson), Koia ahau i whakakapi ai i tona turanga inaianei.

Na, ahakoa e ora katoa ana nga tangata o te Hui, tera ano etahi o o tatou hoa mahi kua tangohia atu i a tatou, kua tomo ki to tatou okiokinga. Haere ana nga mahara ki a Hohepa Poutama, ki a Reihana Kiriwi, ki a Komene Uia, ki a Hone te Ngahuru, ki a Hoani Tauiri nga Kai karakia o Kaitai, o Parapara, o te KeriKeri, o Tapuetahi, o Kororareka. Ko era tangata nga pou, nga kai hapai.i nga tikanga o te Hahi. I matau katoa tatou ki taua kaumatua ki a Hohepa, he tangata i piri ki te Ariki no tona iriiringa ra ano a tae noa ki te ra o tona matenga. He ahakoa ehara ia i te minita, i whakapaua e ia tona kaha ki te kukume i nga tangata ki te Atua. Ka rawe ia hei tauira mo tatou katoa, ahakoa minita, tangata noa iho ranei. Otira, ia tatou e tangi nei ki o tatou hoa, me whakananu te tangi ki te whakapai atu ki te Atua mo te tika o ta ratou whakahaere. Ko tenei, e noho hari ana ratou, e okioki ana i a ratou mahi. Ma te Atua te whakaaro ki te whakaara ake i etahi atu tangata kia pera me ratou te ahua, hei whakakapi i o ratou turanga.

Kahore he korero whakaohooho mo nga mahi o te tau Ka pahure nei. Ki taku titiro e tupu ana nga mahi o te whakapono. Ko te haurangi e iti haere ana. Ko nga tangata tango i te Hapa tapu, me te hunga haere mai ki te karakia e tokomaha haere ana, Kotahi whare karakia hou i whakapuaretia page 4i te tau kua pahure nei, ko Piripi te Kai-Kauwhau i Waimamaku. Te utu o taua whare £245 o o, a he mea tika kia hari tahi tatou me te Roroa mo te otinga o to ratou whare karakia pai. Inaianei kei te kohikohi moni ratou mo tetahi whare minita. Ko nga tangata hoki o Kaikohe kei te kani rakau mo te whare mo ta ratou minita. E kohikohi ana nga tangata katoa o ia wahi, o ia wahi mo nga tahua whangai minita, mo nga whare karakia, mo era atu mahi a te Hahi. Kotahi minita hou o tenei tau, Ko Rev. Reihana Kamiti, a kua wahakanohoia ia ki Ahipara. Kotahi o o tatou hoa minita ko Rev. P. Patiki i tata pu ki te mate; e rima marama i takoto ai; heoi kua whakaarahia ano ia kia roa atu ai te wa e mahi ai ia i te mahi a te Ariki. Heoi ano nga korero mo te tau kua pahure nei, na, me anga tatou ki te whakatakoto mahi ma tatou mo te tau kua timataia nei.

Tetahi mahi tika ma nga tangata o te Hui he pehi i nga tikana he o nga tangi mate—nga mea he e kitea nei, Ko nga haurangitanga, ko te whakapaunga i nga kai a te pouaru, a te pani, ko te haere kino ki te nehunga. E matau pu ana ahau ekore etahi o nga tikanga maori a nga matua e taea te whakangaro i te ra kotahi, otira kia puta te uaua me kore ranei etahi o nga mea he e whakarerea. Tenei hoki tetahi mahi. Ko nga Reimana maori ekore nei e uru ki nga Hinota Pihopataga. Ko nga Minita e tapoko ano. Otira kihai i whai mangai te iwi. Tera pea a nga tau e haere ake nei ka hoki to tatou Pihopa ki tawahi, ka mate ranei a ka tahuri nga tangata ki te whiriwhiri Pihopa mo tatou, heoi, kahore te mangai o te iwi maori e rangona i taua whiriwhiringa. Na, me whai kupu tatou ki te Hinota Nui kia rapua mai he tikanga e uru tahi ai te Maori raua ko te Pakeha ki te Hinota. Tenei hoki tetahi; ko nga kura Ra tapu mo nga tamariki. He mea whakapouri ina maharatia te kuare o nga taitamariki ki nga Karaipiture, ki te Katikihama, ki era atu mea o te whakapono. E mate nuitia ana te reo pakeha, e ngakau kore ana ki nga mea o te oranga e takoto ake nei. E hoa ma, ma tatou katoa tenei mahi, ma nga minita, ma nga kai karakia, ma na tangata noa iho, ara, te rui i te purapura o te ora ki nga ngakau o a tatou tamariki; otira kaua e waiho i runga i te kupu anake, erangi kia puta hoki te uaua ki te whakarite i a tatou tikanga e whakatakoto ai, a ma te kaha o te Atua "e haere i mua, e aru i muri i a tatou; e meinga ai tatou kia mahi tonu i nga mahi pai katoa."

I whakaaria e Rev. M. Taupaki.

I tautokona e Rev. R. Tangata.

Kia meinga atu ki a te Tuata (Rev. E. C. Stuart) kia uru ia ki tenei Hui.

Whakaaetia ana.

page 5

I whakaaria e Rev. M. Taupaki.
I tautokona e Rev. R. Tangata.

E kara, e te Tuata.—Tenei matou nga tangata e tenei Hui te whakapai atu ana ki a koe, mou ka ura mai nei ki tenei huihuinga o te Hahi Maori. I era atu huihuinga o matou, e haere tonu atu ana o matou whakapainga ki a koutou, i a koutou e ngaro atu ana i a matou. Heoi, ka kitea mai nei koe ki konei, koia matou i hari atu nei ki a koe; i hari ai, ahakoa ngaro noa atu era o nga kaumatua, ko koe tenei e tu nei i roto i a matou. Heoi na te mahi tohu a te Atua i rite ai a tatou whakaaro.

Whakaaetia ana.

I whakaaria e Rev. M. Taupaki.

I tautokona e Rev. Piripi Patiki.

He kupu mihi tenei na tenei Hui ki to tatou matua aroha, kia Pihopa Wiremu, kua ngoikore nei tona tinana. He mahara no matou i te nui o ana mahi i nga tau maha kua pahure ake nei, i mahi ai ia roto i nga iwi Maori, ahakoa i tenei pito, ahakoa i tera pito o to tatou motu. Tetahi o ana tino mahi ko te whakamaoritanga i taua taonga nui, ara i nga Karaipture tapu. He tangata ngakau marie, ngakau nui hoki ki te whakaako i nga iwi Maori ki nga tikanga o te Atua. Nana i whakarite i nga minita Maori ki tera wahi, ki tera wahi o tona Pihopatanga. He maha era atu mahi ano hoki i kitea ai te whakaputanga o to te Atua kaha i homai ai ki a ia hei taonga mo nga iwi Maori. He mahara no matou i haere atu ia i a Ngapuhi nei ki nga tangata o te pito whakarunga o to tatou motu, koia i tika ai ta matou mihi atu ki a ia.

Whakaaetia ana.

I whakaaria e Rev. R. Tangata.
I tautokona e Rev. R. Paerata.

He kupu tenei ki a te Pihopa mo nga ohaohatanga o te ra Aranga, kia whakaae mai ia kia tukua aua kohikohi ma nga kai karakia.

Whakaaeti ana.

I whakaaria e Ihaka te Tai.
I tautokona e Rev. M. Taupaki.

I te mea kua rongo tenei Hui kua puta te whakaaro o te Hinota o tenei Pihopatanga kia whakamutua te raihana marena; na he tono tenei na te Hui ki a te Pihopa kia ara tonu aua raihana mo te Hahi Maori.

Whakaaetia ana.

page 6

Memorial to General Synod.

I whakaaria e Rev. M. Taupaki.

I tautokona e Rev. R. Paerata.

Ko tenei he kupu ma te Hui ki te Hinota Nui mo nga Reimana Maori kia uru ki nga Hinota.

Ki nga Right Reverend nga Pihopa, nga Reverend nga me nga Reimana pono e noho huihui ana i te Hinota Nui.

He kupu tena na te Hui o te Hahi Maori o te Atirikonatanga o te Waimate, i te Pihopatanga of Akarana e noho hui ana ki Kaitaia i a Hanuere 13, 1877.

I te mea kahore nei i takoto marama tetahi tikanga i nga Ture o te Hahi kia uru he Mangai Reimana Maori ki nga Hinota o te Hahi:—a

I te mea kei etahi mahi, pera me ta whiriwhiringa i te Pihopa, e rite tahi nei te wahi o te Maori o te Pakeha ki taua mahi tapu a te Pihopa, kahore ratou e whai kupu ana:—

E inoi hopohopo ana matou kia pai mai koutou kia whakatakotoria he tikanga e whai Mangai ai te iwi i nga Hinota o nga Pihopatanga.

A ka inoi tonu matou mo Koutou.

Whakaaetia ana.

A hainatia ana e nga tangata katoa o te Hui.

I whakaaria e Rev. M. Taupaki.

I tautokona e Rev. A. Whareumu.

He kupu tenei ki a te Pihopa, kia whakaae mai ia kia tokorua atu he Mangai Reimana ki tenei Hui, ara, kia kotahi mo te Kawa-Kawa, kia kotahi atu mo Whangarei.

Whakaaetia ana.

I whakaaria e Rev. R. Tangata.

I tautokona e te Wiki te Paa.

Hei a Noema, 1877, ka whiriwhiri ai i nga Mangai Reimara mo te Hui tuatoru o te Hahi Maori o tenei Atirikonatanga.

Whakaaetia ana.

I whakaaria e Rev. M. Taupaki.

I tautokona e Rev. H. P. Taua.

E whakaae ana nga tangata o tenei Hui kia puta ta ratou uaua ki te pehi i enei tikanga kino a te Maori mo nga tangihanga me nga nehunga tupapaku—

  • (1) Ko te tanu Kawhenakore.
  • (2) Ko nga tikanga Maori mo nga wahi kua waiho nei hei tanumanga tupapaku.page 7
  • (3) Ko nga hakari tangihanga, ara, ko te whakapaunga o nga kai a te pouaru ratou ko aga pani.
  • (4) Ko te waipiro i nga tangihanga me nga nehunga.
  • (5) Ko te ahua tapu o nga kai tangotango i te tupapaku.

Whakaaetia ana.

I whakaaria e Rev. M. Kapa.

I tautokona e Hare Ianga.

Ki Kaikohe te Hui o te Atirikonatanga i te tau 1878, hei te 9 o Hanuere.

Whakaatia ana.

Ko Enei Nga Tikanga O Era Atu Hui E Mau Tonu Ana.

I.
Mo Tetahi Kura Mo Nga Kai-Whakaako.

Tenei hoki tetahi whakaaro i kitea i roto i tenei Hui; ko tetahi kura mo nga Kai-whakaako kia whakaturia ki te Atirikonatanga o te Waimate.

II.
Mo Nga Kura Ratapu Mo Nga Tamariki.

He whakahau tenei ki nga wahi katoa o tenei Atirikonatanga mo nga Kura tamariki i nga Ratapu kia tu tonu.

III.
Kaua nga Whare-Karakia E waiho hei Whare-kura ra noa.

Ki te whakaaro o tenei Hui, e kore e tika kia waiho nga Whare-karakia hei whare-kura i nga ra noa, engari me whakamotuhake mo te Karakia anake; a me whakatu ano nga wharekura. Ehara tenei tikanga i te pei i nga tamariki i nga kura, erangi he mea kia motu ke te Whare-karakia, kia motu ke te whare-kura.

IV.
Kia aroha nga tangata ki nga Minita ina haereere.

Kia whai aroha nga tangata o tenei Atirikonatanga ki nga Minita ina haereere ki nga kaainga, kia tukua noatia te hoiho me te kai-arahi.

page 8

V.
Mo Nga Moni Haereere A Nga Mangai Reimana.

Kia whakaaro nga tangata o nga Pariha ki o ratou Mangai Remana, ki te whakaea i nga moni e pau ana i a ratou e haereere ana ki nga Hui. Ko aua moni me tango i roto i nga kohikohi, me kohi ra waho ranei.

VI.
Mo Nga Turoro Kia Whakaaturia Ki Te Minita.

He kupu tenei ki nga tagata katoa o ia pariha o ia pariha mo nga turoro kia whaaturia mai ki te Minita; kia kaua e waiho kia takoto noa iho a taea noatia to ratou matenga, ka korerotia ki te Minita. He tino mea pouri tenei.

VII.
Mo Nga Pukapuka Karakia Kia Hohorotia.

Ka pau nei nga Rawiri tawhito, he kupu tenei na te Hui ki nga Kai perehi Rawiri kia tere te whakaputa mai i nga pukapuka.

VIII.
Mo Nga Kai-Whakaako Kia Whakaarohia E Nga Tangata.

Kia whai whakaaro ano nga tangata ki o ratou Kai-whakaako ehara nei i te Minita, ki te whakamama i a ratou.

He inoi mo te Hui o te Hahi Maori.

E te Atua kaha rawa, kua oti nei te whakakotahi e koe Tau hunga whiriwhiri katoa hei tinana mo Tau Tama, mo to matou Ariki, mo Ihu Karaiti: ki te huihui hoki o tangata ki tetahi wahi i runga i tona ingoa, kei reira ano koe: Kia anga mai to whakaaro atawhai ki tenei wahi o To Hahi, manaakitia mai hoki matou, te Pihopa me nga Minita me nga Mangai o te iwi kua mine mai nei ki te rapu tikanga. Kia riro mai i a matou nga taonga maha a Tou Wairua Tapu, ara, te mahara, te mohio, te kaha, te aroha, me te ata whakaaro; kia whai tonu ai matou i roto i a matou mahi katoa ko koe kia whakakororiatia, ko te pai o To iwi kia kake, ko Tou rangatiratanga kia whakanuia: Kei meatia tetahi mea e matou i runga i te tikanga totohe, i te whakapehapeha, i te mataku ranei i te tangata: kei he hoki a matou mahi i te whakaaro poka noa ake, i te hianga ranei o te tangata: engari kia ata whakatakotoria nga tikanga katoa e tupu pai ai To Hahi i roto i a matou; kia mahia ai e matou katoa nga mahi pai kua rite mai nei i a Koe hei mahinga ma page 9matou; kia whakakotahitia ai matou katoa i roto i te whakapono, i te aroha; kai rite tahi ai hoki o matou whakaaro me o matou mangai te whakakororia i a Koe; ko Ihu Karaiti hoki to matou Ariki. Amine.

He Kupu Tenei Na Ngapuhi Ki A Pihopa Hone Herewini I Tana Tunga Nei Pihopa Mo Meranihia.

Ki a te Right Reverend Hone Riharihona Herewini, Pihopa o Meranihia.

E Kara,

He mea tika kia puta he kupu ma matou ki a koe, kia matau mai ai koe e hari ana o matou ngakau mou ka tu nei hei Pihopa mo Meranihia, hei mahi i te mahi i timataia e to Matua.

E hoki ana o matou mahara ki te taiwa i tae mai ai to matua a Pihopa Herewini ki enei motu; ko ia nei te Pihopa tuatahi o Niu Tireni. I a ia e mahi ana i waenganui o nga Maori, anga tonu tana titiro ki nga motu e noho pouri mai i tahaki ake nei, me te hiahia nui kia kawea te maramatanga o te Rongo-pai kia ratou. Rere ana ia ki aua motu hei tutei, a ko te whakatutukitanga o tana mahi ko te tunga o te Patihana hei Pihopa.

Tomo ngakau ana a Pihopa Patihana ki te mahi i whakaritea mana, me tana kite ano i etahi hua o tana mahi,—a mahi tonu ana ia taea noatia te ra i karangatia ai ia kia uru ki tana "ope nui o nga tangata i patua mo te whakapono." Na, ko koe ka tu nei hei whakakapi i te tunga o taua tangata pai, o taua hoia pono a te Karaiti.

Tenei te take i toko ake ai te whakaaro kia whai kupu atu matou ki a koe, ara, he maharatanga na matou i whanau koe ki konei, ki te Waimate, i whanau pu koe ki roto i Ngapuhi a ko to iwi ko Ngapuhi tenei te hoatu nei i ta matou kupu aroha ki a koe. Ko te Pihopatanga o Meranihia he tamahine no te Pihopatanga o Niu Tireni; whaihoki he mea tika rawa tenei,— hei tetahi o nga tamariki o Niu Tireni he Pihopa mo nga motu.

E Kara haere ra ki te mahi kua karangatia nei koe e te Hahi,—Haere, me te maharaano tena te aru atu na ia koe nga inoi o te Hahi Maori, mou, mo to mahi hoki. Ma te Atua koe e whakakaha kia rite ai i a koe te mahi uaua kua tukua na ki a koe; Mana koe e tiaki i te moana' i nga ringaringa o te hunga kuare e noho mai ra i te pouritanga: Mana e mea kia kite koe i nga hua maha o tau mahinga. Na, ko tena kupu a to tatou Ariki ki nga Apotoro, tana tononga ia ratou ki te kauwhau, hei page 10toko mou, "Na, ko au tena hei hoa mo koutou i nga ra katoa, a te mutanga ra ano o te ao."

Heoi ano a matou kupu— Na matou tenei na te hunga e mau nei nga ingoa i raro nei.

835 nga tangata i tuhia o ratou ingoa ki tenei pukapuka.

Ko Te Kupu Whakahoki Tenei A Te Pihopa O Meranihia.

Waimate, Aperira 11, 1877.

E aku teina i roto i te Hahi,—e aku tuakana e aku teina i roto i a Ngapuhi. Hari rawa toku ngakau i a koutou kupu. Ko te ahua o a koutou kupu kei to te hunga e matau ana ki te pai o ta te Karaiti i mea ai mo koutou; me te mea e korero mai ana koutou, ehara i te maumau ta matou mauiuitanga.

Aue! tee matau au ki te whakahoki aa reo maori atu ki a koutou. I noho ke aua i Ngapuhi. I a au e tamiriki ana ka riro au ki Akarana, a he kaihikihiki pakeha toku, ehara i te maori, a muri iho ka haere au ki Ingarangi. Ahakoa, e ako ano koutou i tetahi reo ke,—taua reo, he reo na te katoa,—ko te reo aroha a te hunga a te Karaiti. Ko tana reo ta koutou e korero mai na, me takn matau atu ano.

Na o koutou kupu i matau ai ahau kua akona koutou e tetahi iwi nui atu—maha rawa atu i to Ngapuhi; ara, e te iwi o te Hahi o te Karaiti; me ta koutou hiahia kia uru mai nga tangata katoa ki tana iwi. Tera ranei ekore e tahuri mai te hunga e noho mai ra i te pouritanga, ina rongo ratou ki a au i ta koutou ahua? Tera au e korero atu ki aku tamariki i Meranihia i a koutou kupu ki a au. Ka mea atu au ki te hunga o ratou e akona ana hei kaiwhakaako, hei minita, ki nga mea kua matauria nei e koutou, a tera ratou e whai ngakau ki te ako. Tera au e mea atu ki nga tangata e tohe tonu ana ki te whawhai kia ratou ano,—Ko Ngapuhi, ko te iwi o Hongi, o Heke, kua whakaakona ki te noho marire; a tera ratou e rongo. Ekore ranei e ora te ngakau o ta tatou Matua e noho mai ra i Ingarangi ina rongo mai ia tenei ano ana tamariki maori te mahara ana ki a ia. Ekore ranei e hari ia ina kitea iho nga ingoa o ana tamariki e mau nei ki te pukapuka nei, ara, o Matiu Taupaki o Piripi Patiki, o Wi Hau, o Hare Ianga o Rawiri Taiwhanga, e ora nei, e mahi nei i roto i a koutou.

E hoa ma, e matau ana koutou ki tana mahi, ki te mahi hoki o Pihopa Patihana, kua kite hoki koutou ia te Wiremu me ana hoa e mahi ana i waenganui ia koutou; Ko te ahua ano tena e taku mahi i roto i te hunga e noho mai ra i te pouritanga, he tohe kia riro mai o ratou ngakau, Me inoi atu koutou ki te Atua moku mo oku hoa ano hoki kia tukua mai tana kaha kia taea e matou te mahi kua tukua nei hei mahi ma matou. Na, amua ake nei, ki te mea ka ata kapi nga Whare Karakia page 11i nga minita, tera pea kouteu e tuku mai i tetahi hei hoa mahi mo matou. He wahi ano tera he mahi ano tera ma te minita maori. E aku tuakana, teina, e whakapai atu ana ahau mo ta koutou maharatanga mai ki au. E whakapai ana ahau mo ta koutou karangatanga i a au kia haere mai ki konei, a he mea atu tenei naku ki a koutou kia inoi koutou kia rere atu ai i te Waimate te wai ora ki nga motu o Meranihia.

J. R. Selwyn,
Pihopa o Meranihia.

Ko Te Maha o Nga Tangata o Te Hahi Maori o Atirikonatanga o Te Waimate i Te Tau, 1876.

Minita. Iriiringa.
Kaainga. Pakeha Maori. Kaikarakia. Tangata tango Hapa. Tangata haere ki te Karakia. Tamariki. Kamatra
Waimate 1 2 18 227 1550 119 20
Paihia 1 13 122 607 22 4
Hokianga 1 10 140 823 36 2
Whangarei 1 6 35 250 42 6
Kaitaia 1 1 19 110 821 41 10
Oruru 1 7 88 266 25 0
Ahipara 1 7 90 379 12 0
Parengarenga Hui Katoa 1 4 116 340 16 2
2 9 84 928 5036 313 44

Ko Nga Minita Me Nga Kai Karakia Enei o Te Atirikonatanga o Te Waimate.

Takiwa o te Waimate;—Atirikona E. B. Karaka

Waimate Rev. H. P. Taua
Waimate Mita Matenga Karaka
Waimate Hira Kawhe
Ohaeawai Hirini Keno
Keri Keri Te Keepa
Matauri Tamati Ho
Matauri Hohepa Waoku
Whangaroa Hemi Kepa Tupe
Taakou Heremaiapage 12
Tapuetahi Tamati Huingariri
Tapuetahi Karena Puhi
Okaihau Hone Karahina

Takiwa o Kaikohe:—Rev. M. Kapa.

Kaikohe Aperahama Kouka
Punakitere Akaripa Haki
Mangakaahia Tamati Poa
Mangakaahia Kerenene Pewa
Otaua Ruhiu Urumai
Mataraua Timotiu Tonga

Takiwa o Oruru.—Rev. R. W. Tangata.

Mangonui Ritete te Kuru
Parapara
Peria Hohaia Paawhau
Peria Te Kingi Waiaua
Kohumaru Karena Kiwa
Kohumaru Te Hapa
Wikitoria Karipa Tipako
Rangiawhia Reihana Kakahuri
Mangamuka

Takiwa o Kaitaia:—Rev. J. Matiu

Kaitaia Rev. M. te Haara
Kaitaia Te Paki (Mr Puckey)
Kaitaia Kereopa Poharu
Kaitaia Watene Pīpī
Kaitaia Haimona Tatu
Kareponia Patoropa Tarapaea
Kareponia Timoti Popata
Awanui Hupata Kaakaa
Awanui Hakaraia te Awarau
Okahu Meinata Hongi
Okahu Hehi te Paa
Takahue Pita te Hara

Takiwa o Ahipara:—Rev. R. Kamiti.

Pukepoto Timoti Puihipi
Pukepoto Te Rapihana te Maru
Pukepoto Hohepa Kaakaa
Ototoiti Wiremu Tu
Ototoiti Eriha Piriwaata
Ahipara Hamiora Rungaiterangi
Ahipara Patana Karaparapa
Ahipara Hetaraka Koni
Herekino Aperahama
page 13

Takiwa o Parengarenga:— Rev. R. Paerata.

Te Kao Hemi Kapa
Te Kao Henare Ngakaha
Te Kao Hetaraka Taumataiti
Paua Hemi Taitimu
Paua Te Wiki te Paa
Whangakea Keremeneta Whaitua
Takapaukura Wiremu Kurukuru

Takiwa o Hokianga:—Rev. P. Patiki.

Makeronia Hemi Warihi Hui
Poutawhera Porukapa Tohuora
Poutawhera Eparaima Tohuora
Rotokakahi Reihana Paraone
Waiparera
Waimamaku Ihaka Pana
Waimamaku Wiremu Hoeta
Whirinaki Eparaima Peepi
Kaihu Peneamine Tikinui
Parirauewha Rewiri Mānawa
Parirauewha Hone Pihama

Pakiwa o Paihia:—Rev. M. Taupaki.

Paihia Koroniria Hurakiri
Paihia Anaru Namuheke
Kororareka Eruera Taurau
Rawhiti Ihaka te Tai
Rawhiti Timoti Kōpē
Waikare Wiremu Peka
Kawakawa Ihaia Kirihau
Kawakawa Hemi Tautari
Te Kopuru Hone Paraone
Waoimio Himiona Taura
Whagaruru Mohi Kaingaroa
Whagaruru Pirimona
Whananaaki Hapeta
Pakaraka Wiremu Pirihongo
Pakaraka Te Hira Wharekawa

Takiwa o Whangarei:—Rev. A. Whareumu.

Tutukaka Paratene te Manu
Ketenikau Pehimana Pai
Puketotara Riwi Taikawa
Maaunu Onehimu
Taiharuru Tipene Waimaori
Hikurangi Peeni Taka
page 14

Ko Nga Kohikohinga Enei i Te Atirikonatanga o Te Waimate i Te Tau 1876.

Ahipara.

Riro Mai. Riro Atu.
£ s. d. £ s. d.
Nga Kohikohi 9 6 0 Tahu whangai Minita 4 10 0
I te Minita 2 10 0
Taro me te waina 1 0 0
Turoro 1 0 0
Toenga 0 6 0
£9 6 0 £9 6 0

Awanui.

Riro Mai. Riro Atu.
£ s. d. £ s. d.
Nga Kohikohi 1 6 11 Toenga 1 6 11

Herekino.

Riro Mai. Riro Atu.
£ s. d. £ s. d.
Nga Kohikohi 5 17 10 Waina 0 6 0
Pukapuka 0 1 6
Minita 0 1 0
Kawe i te Rongopai 0 5 0
Mangai Reimana 0 4 0
Paipera 0 3 0
Toenga 4 17 4
£5 17 10 £5 17 10

Te Kao.

Riro Mai. Riro Atu.
£ s. d. £ s. d.
Nga Kohikohi 58 11 0 Kakahu teepu 0 2 0
Hoa haere 0 7 0
Waina 0 12 0
Turoro 0 3 0
Rongoa 0 3 6
Minita (Ra o te Aranga) 1 0 0
Kawe i te Rongopai 0 10 0
Mangai Reimana 0 15 0
Nga papa mo te Wharekarakia 29 11 4
Kai hoko i nga papa 2 4 2
Kaipuke 9 0 0
Taringa i nga papa 5 0 0
Nga poraka 2 12 0
Toenga 6 11 0
£58 11 0 £58 11 0
page 15

Kaikohe.

Riro Mai. Riro Atu.
£ s. d. £ s. d.
Nga Kahikohi 7 7 0 Nga mahi o te Whare-karakia 1 8 0
I ra wahotia 11 13 0 Pouaka mo nga mea o te Hapa 0 10 0
Pukapuka Hahiwatene 0 2 6
Kawe i te Rongopai 0 10 0
Tahua whangai Minita 11 13 0
Toenga 4 16 6
£19 0 0 £19 0 0

Kaitaia.

Riro Mai. Riro Atu.
£ s. d. £ s. d.
Nga Kohikohi 18 15 0 Tohua Whangai Minita mo Ahipara 10 2 8
Rongoa me te Waina 4 18 9
Turoro 3 13 7
£18 15 0 £18 15 0

Kareponia.

Riro Mai. Riro Atu.
£ s. d. £ s. d.
Nga Kohikohi 2 17 7 Horoinga i te Whare-karakia 0 2 0
Toenga 2 15 7
£2 17 7 £2 17 7

Kawakawa.

Riro Mai. Riro Atu.
£ s. d. £ s. d.
Nga Kohikohi 31 0 2 Mo te Hamoniama 20 0 0
Kawe i te Rongopai 3 5 0
Kamura 4 10 0
Waina 0 5 0
Horoinga i te Whare-karakia 0 4 0
Toenga 2 16 2
£31 0 2 £31 0 2
page 16

Kororareka.

Riro Mai. Riro Atu.
£ s. d. £ s. d.
Nga Kohikohi 18 2 Mo te Hamoniamu 4 4 0
Kai whakatangi Hamoniamu 2 13 0
Marama-taka 0 2 0
Toenga 11 3
£18 2 £18 2

Kohumaru.

Riro Mai. Riro Atu.
£ s. d. £ s. d.
Nga Kohikohi o te tau, 1875 1 11 11 E toe ana 3 0 2
Nga Kohikohi o te tau, 1876 1 8 3
£3 0 2 £3 0 2

Mangakaahia.

Riro Mai. Riro Atu.
£ s. d. £ s. d.
Nga Kohikohi 17 3 8 Nga mahi o te Whare-karakia 1 10 6
I ra wahotia 36 0 0 Horoinga i nga Kakahu 0 12 0
I ra wahotia ma te Waina 0 6 0
Mangai Reimana 3 0 0 Te Taiepa 6 15 11
Kawe i te Rongopai 0 10 0
Tahua whangai Minita 36 0 0
Mangai Reimana 3 0 0
Toenga 7 9 3
£56 3 8 £56 3 8

Ohaeawai.

Riro Mai. Riro Atu.
£ s. d. £ s. d.
Nga Kohikohi noa iho 6 15 11
Tahua whangai Minita 2 1 1 Tahua whangai Minita 2 1 1
Horoinga i te Kakahu Minita 0 2 0 Toenga 6 13 11
£8 17 0 £8 17 0
page 17

Otaua.

Riro Mai. Riro Atu.
£ s. d. £ s. d.
Nga Kohikohi 5 2 4
I ra wahotia 14 6 0 Kai Kani papa mo te wharekarakia 18 0 0
Tôenga no 1875 2 5 0 Toenga 3 13 4
£21 13 4 £21 13 4

Ototoiti.

Riro Mai. Riro Atu.
£ s. d. £ s. d.
Nga Kohikohi 29 3 0
Kamura, kai kani, kai tari i nga papa 15 18 9
Nera, wini me nga mea hei hanga 10 3 3
I te Minita 0 5 0
Toenga 2 16 0
£29 3 0 £29 3 0

Paihia.

Riro Mai. Riro Atu.
£ s. d. £ s. d.
Nga kohikohi 10 2 6 Kawe Minita Kauwhau (Home Mission) 1 13 2
Kawe i te Rongopai 0 10 1
Mangai Reimana 0 3 6
Toenga 7 15 9
£10 2 6 £10 2 6

PakaRaka.

Riro Mai. Riro Atu.
£ s. d. £ s. d.
Nga Kohikohi 21 7 0 Mangai Reimana 0 18 0
Toenga 20 9 0
£21 7 0 £21 7 0
page 18

Paua.

Riro Mai. Riro Atu.
£ s. d. £ s. d.
Nga Kohikohi 56 17 0 Horoinga i nga kakahu teepu 0 2 0
I ra wahotia 28 18 6 Mo te hoa haere 0 8 0
Taro me te waina 0 16 0
Turoro 0 7 0
Horoinga kakahu Minita 0 2 6
Paipera 0 6 6
Rawakore 1 0 0
Mangai Reimana 0 15 0
Minita (Ra Aranga) 1 8 0
Kawe i te Rongopai 0 10 0
Toenga 80 0 6
£85 15 6 £85 15 6

Peria.

Riro Mai. Riro Atu.
£ s. d. £ s. d.
Nga Kohikohi noa iho 5 8 6 Kawe i te Rongopai 0 8 6
Tahua Minita o Ahipara 12 0 0 Whangai Minita mo Ahipara 12 0 0
Toenga 5 0 0
£17 8 6 £17 8 6

Punakitere.

Riro Mai. Riro Atu.
£ s. d. £ s. d.
Nga Kohikohi 4 0 0 E toe ana 4 0 0

Rangiawhia.

Riro Mai. Riro Atu.
£ s. d. £ s. d.
Nga Kohikohi 2 12 9 E toe ana 2 12 9
page 19

Rotokakahi.

Riro Mai. Riro Atu.
£ s. d. £ s. d.
Nga Kohikohi 5 17 5 Karauna Karati 0 17 6
Kakahu 0 4 3
Tatau me nga wini 1 9 0
Te raka me te waina 0 10 0
Kawe i te Rongopai 0 10 0
Mangai Reimana 0 4 1
Toenga 2 2 7
£5 17 5 £5 17 5

Tapuetahi.

Riro Mai. Riro Atu.
£ s. d. £ s. d.
Nga Kohikohi 4 9 8 E toe ana 4 9 8

Waimate.

Riro Mai. Riro Atu.
£ s. d. £ s. d.
Nga Kohikohi noa iho 8 7 2 Nga mahi o te Whare-karakia me nga rori 0 16 0
Tahua Minita 6 18 Waina 0 7 6
Nga mahi o te Hui a te Hahi Maori 2 6 6 Horoinga i te Kakahu Minita 0 2 6
Rino muku paru hu 0 5 0
Tahua Minita i ra wahotia 4 10 0 Nga maih o te Hui a te Hahi Maori 2 6 6
Tahua Minita 11 8
Toenga 6 16 2
£22 1 £22 1

Kotahi Kau na W. Katene mo te tahua Minita.

He Kau me te Kawhe na H. Ianga mo te tahua Minita.

Waiparera.

Riro Mai. Riro Atu.
£ s. d. £ s. d.
Nga Kohikohi 70 18 8 Kai kani papa 35 0 0
Paranga i te ara tari 2 0 0
Kawe i te Rongopai 0 10 0
Mangai Reimana 0 8 0
Toenga 33 0 8
£70 18 8 £70 18 8
page 20

Waimamaku.

Riro Mai. Riro Atu.
£ s. d. £ s. d.
Nga Kohikohi 63 5 9 Hanganga o te Whare-karakia 35 0 0
Kai kani papa 2 0 0
Turoro 2 12 0
Waina 0 6 0
Wharekura. 0 9 6
Paipera 0 8 6
Tipaati 13 0 0
Mangai Reimana 1 0 0
Kawe i te Rongopai 0 10 0
Toenga 7 19 9
£63 5 9 £63 5 9

Whangape.

Riro Mai. Riro Atu.
£ s. d. £ s. d.
Nga Kohikohi 4 13 6 Kawe i te Rongopai 0 10 0
Mangai Reimana 0 4 0
Taro me te waina 0 5 6
Toenga 3 14 0
£4 13 6 £4 13 6

Whangarei.

Riro Mai. Riro Atu.
£ s. d. £ s. d.
Nga Kohikohi 29 3 0 Minita haere mai 1 5 0
Nga Kawenata 1 4 0 Minita ake 0 15 0
Waina 0 5 0
Horoinga i te whare-karakia 0 5 0
Toenga 27 17 0
£30 7 0 £30 7 0

Whirinaki.

Riro Mai. Riro Atu.
£ s. d. £ s. d.
Nga Kohikohi. 7 0 7 Ma te Kai karakia. 5 0 0
Peeka Kohikohi me te peihana 0 2 6
Mangai Reimana 0 10 0
Kawi e te Rongopai. 0 10 0
Toenga 0 18 1
£7 0 7 £7 0 7

Nga moni kohikohi o te Takiwa o Hokianga mo te tahua Minita o Ahipara, £5 10s.