I whakaaria e Hemi Taitimu.

I tautokona e Rev. R. Tangata.

He kupu tono na te Hahi Maori ki nga kaumatua o te Hahi. Kia whakaaroa mai e koutou tenei hiahia o matou, ara kia whakaturia he Pihopa mo te Hahi Maori. Ko te take o tenei whakaaro a matou he nui no te taimaha o te mahi o te Pihopa o Akarana e mahi nui nei ia i ana mahi i roto i te Hahi Pakeha i te Hahi Maori hoki; a, na te nui o ana mahi i kore ai e taea e ia te haere tonu ia tau, ia tau ki roto ki te Hahi Maori. No mua, no nga ra o Pihopa Herewini ka kitea he taimaha rawa o taua mahi i roto i nga wehenga e rua i te Pakeha, i te Maori—a, tae noa iho nei ki a Pihopa Kaui. Heoi kei runga ano i aia e pehi ana taua pikaunga nui. Koia matou ka whakaputa atu nei i tenei whakaaro ki a koutou, ki nga kaumatua o te Hahi, kia whiriwhiria mai e koutou tena kupu a te Hahi Maori.