Ma nga Hahiwatena o ia kāinga o ia kāinga e whakaatu ki te minita, ua tae atu ia, i nga tamariki mo te iriiri.

He Mihi Kia Mata Herewini.

E to matou whaea aroha e Mata Herewini. Tena koe. He mihi atu tena na matou kia koe, ara, na te Hahi Maori o te Atirikonataoga o te Waimate, he maharatanga ake no o matou ) ngakau ki to matou matua aroha kia Pihopa Herewini kua ngaro atu nei ki te wahi e okioki ai te hunga whakapono ki roto ki te Ariki, e pera ana me te kupu e kī neī: "Ka hari te hunga e mate ana i roto i te Ariki; ae ra e ai ta te Wairua, kia okioki ratou i a ratou mahi."

E mohio ana hoki āna tamariki Maori katoa i konei i te nui o āna mahi i tenei motu puta noa atu ki nga motu o Meranihia taea noatia tona haerenga atu ki Ingarani, kahore ia i wareware ki te tuku iho i āna kupu poroporoaki ki āna tamariki Maori i te ra i haere atu ai ia i konei. Hei kona ra e to matou whaea aroha tatari atu ai ki te reo karanga iho mou, kia neke atu ki te wahi e noho mai ra to matou matua a Pihopa Herewini. Heoi ano a matou kupu mihi atu ki a koe.

Na te Hui o te Hahi Maori o te Atirikonatanga o te Waimate, i mine ki Peria, Oruru, i a Hanuere 23, 1879.

He Inoi Mo Te Hui o Te Hahi Maori.

E te Atua kaha rawa, kua oti nei te whakakotahi e koe Tau hunga whiriwhiri katoa hei tinana mo Tau Tama, mo to matou Ariki, mo Ihu Karaiti: ki te huihui hoki o tangata ki tetahi wahi i runga i tona ingoa, kei reira ano koe: Kia anga mai to whakaaro atawhai ki tenei wahi o To Hahi, manaakitia mai hoki page 9matou, te Pihopa me nga minita me nga Mangai o te iwi kua mine mai nei ki te rapu tikanga. Kia riro mai i a matou nga taonga maha a Tou Wairua Tapu, ara, te mahara, te mohio, te kaha, te aroha, me te ata whakaaro; kia whai tonu ai matou i roto i a matou mahi katoa ko koe kia whakakororiatia, ko te pai o To iwi kia kake, ko Tou rangatiratanga kia whakanuia. Kei meatia tetahi mea e matou i runga i te tikanga totohe, i te whakapehapeha, i te mataku ranei i te tangata: kei he hoki a matou mahi i te whakaaro poka noa ake, i te hianga ranei o te tangata: engari kia ata whakatakotoria nga tikanga katoa e tupu pai ai To Hahi i roto i a matou; kia mahia ai e matou katoa nga mahi pai kua rite mai nei i a Koe hei mahinga ma matou; kia whakakotahitia ai matou katoa i roto i te whakapono, i te aroha; kai rite tahi ai hoki o matou whakaaro me o matou mangai te whakakororia i a Koe; ko Ihu Karaiti hoki to matou Ariki. Amine.