Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

The Sheep Act, 1878.

Te Utu Mo Nga Hepi

Te Utu Mo Nga Hepi.

21.Te maha o nga hipi kia whaakina i ia tau, ki te kai-tirotiro hipi. Nga utu tau e utu ai te tangata whai hipi.Ko nga tangata whai hipi, me mahi, me tatau te maha o ana hipi i roto i nga ra, o te tahi o Hune, a tae noa ki te toru-tekau o Hune, i ia tau, i ia tau, a ko te maha o ana hipi, me tuhituhi ki te pukapuka te maha o aua hipi, ka hoatu ai taua pukapuka ki te kaitirotiro hipi ki te ritenga o nga korero e mau i te pukapuka Nama A. e mau i te mutunga o nga korero o te Ture nei, me tuhituhi te maha o nga hipi kuwao, me te maha o nga hipi uha, me te maha o nga hipi toa, o nga hipi kua tae ki te toru ona marama, a nana anake aua hipi, na te tangata nana aua korero tuhituhi. a i aia aua hipi i te toru-tekau ma tahi o te marama o Mei, o te tau i tuhituhia ai eia te maha o aua hipi, a me tuhituhi hoki eia i roto i aua korero o aua hipi te ahua o tana parani, me te ahua o te hori i tapahia ai ranei nga taringa o ana hipi. A ki te mea ka turi ranei, ka kore ranei te tangata e mahi tuhituhi i aua korero nei ki te kai-tirotiro hipi, penei, ka utu aia i te moni kaua e nui ake i te rua tekau pauna moni.
22. A ko te tangata whai hipi, me utu eia i ia tau, i ia tau, i mua atu ranei, i te tahi ranei o nga ra o Hepetema, o ia tau, o ia tau, ki te tangata e kiia ana e te Kawana, mana aua moni e kohikohi, ko te utu kia rua herengi mo ia kotahi rau hipi, mo ia kotahi rau hipi, mo nga hipi ranei kihai i tae ona maha ki te kotahi rau, a te tangata i aia aua hipi i te ra mutunga o Mei i taua tau, a i kiia nei te maha o aua hipi i te pukapuka e kiia nei ona korero i te upoko i mua tata ake o tenei upoko korero. A ki te mea e kore aua moni e utua i taua ra, i te tahi o Hepetema, penei, ka kiia he moni ahua nama aua moni na te tangata nana aua hipi ki te Kawanatanga, a e tika ano kia whakawakia aua moni kia homai ai aua moni, i nga Kooti Whakawa.