.gif)
Mo Nga Rongo Raruraru o Taranaki.
Ki te Kawana raua ko te Pirimia.
Akarana, 5 Hune, 1879.He tono tenei na nga rangatira o Ngapuhi o Te Rarawa hoki ki a korua mo te raruraru ka tata tonu nei te tupu ki Taranaki. Kia pai ta korua whakahaere i taua raruraru i runga i te manawanui, kia tau ai te pai, me te rangimarietanga ki runga i enei iwi e rua, i te Pakeha raua ko te Maori. Ma reira ano hoki e kore ai e eke he ingoa kino ki runga i tenei Kawanatanga. Tenei hoki te Minita Maori me nga Rangatira o Ngapuhi o Te Rarawa hoki te ata mahi nei i tenei raruraru.
Na runga hoki i to korua manawanui ko te Minita Maori i te Hui ki Te Kopua i tae pai mai ai a Rewi Maniapoto ki Akarana nei whakahaere tahi ai matou i nga ritenga e tupu ai he rangimarietanga ki enei iwi e rua, kia tau ai te kotahitanga, kia rite ai te kupu o te Waiata, e ki nei, "Auo te pai ano te ahuareka o te nohoanga tahitanga o nga teina o nga tuakana i runga i te whakaaro kotahi."
Na matou,
Na Hori Tawiti, M.H.R.,
Maihi P. Hawiti,
Timoti Puhipi,
Rev. Wiremu Pomare,
Hirini Taiwhanga,
Rakena Wi Kaitaia,
Renata Pure,
Kato Whakaita,
Nui Hare,
Paki te Ripi,
Mo nga Rangatira katoa o Ngapuhi o Te Rarawa.