.gif)
E aku hoa tawhito o Ngatiwhatua
Tena koutou-Kua hoki mai ahau i Haaka Pei (Takiwa o Nepia).
Kua rongo hoki pea koutou ka nui te kaha o taku whawhai i reira mo "Te taha maori." Te take i hoki mai ai au kua tae ki e taima e whakaturia ai he mema mo te Paremete hou. Ko ta tatou mahi inaianei he whakatu mema hei whakahaere i nga tikanga mo te Paremete o Nui Tireni mo nga tau e rima e haere ake nei.
He tini nga tikanga nunui e mahia e te Paremete hou mo te taha Maori, no konei ahau i mea atu ai me whakatu e koutou nga tangata e titiro tika ana e whai whakaaro ana hoki e tata ki te taha maori.
Ka maha nga tau e mohio nei koutou ki au a tera ranei e ako he ahau kia a koutou.
Kua tino whiriwhiria e ahau te tangata o roto o enei ka whakaturia nei, a ki taku whakaaro ko Raata Rii anake te tangata tika, ko ia anake te tangata e tino piri ki ta "Taua Kaumatua kia Kawana Kerei." Kua rongo ahau i te kupu o etahi o nga taitamariki e ki ana ka pooti ratou ki te tangata e hoatu ana i te moni nui ki a ratou, ki taku mohio e hara enei i te korero pono kahore hoki e whakakorea e aku hoa te mana kua mohiotia e te katoa o te Rangatiratanga o tenei iwi o Ngatiwhatua.
Me pooti katoa tatou kia Raata Rii.—Tena ahau te haere atu na kia kite ia koutou.