He Ture whakatakoto tikanga me te Whakawakanga Whakaingoatanga. Tuarua o tetahi Kereme i tonoa e etahi tangata maori ki tetahi Poraka Whenua i te Porowini o Poneke e mohiotia ana ko "Te Ahikouka ki te Tonga," me etahi atu tikanga hoki.

Notemea i whakawakia e te Kooti Whakawa Whenua Maori, i Matua korero. noho ki Kereitaone, i te Porowini o Poneke, i te rua tekau ma whitu o nga ra o Aperira, i te tau kotahi mano e waru rau e whitu tekau, tetahi kereme i tonoa ki tetahi poraka whenua kua o ti te tuhi ki te Apititanga Tuatahi e mau ana i raro iho nei, a i taua nohoanga o te Kooti i riro te kupu whakaotinga a taua Kooti i nga tangata e mau ana o ratou ingoa i te Apititanga Tuarua i raro iho nei: A notemea i tonoa tetahi whakawakanga tuarua e nga tangata mo te taha ki nga tangata hoki kua oti nei o ratou ingoa te tuhi ki te Apititanga Tuatoru i raro iho nei, a ko taua mea, i runga i te Ota o te Kawana i roto i tona Runanga i tuhia i te rua tekau ma ono o nga ra o Hepetema, i te tau kotahi mano e waru rau e whitu tekau, i kiia kia tuaruatia te whakawa i te aroaro o te Kai-whakawa kotahi me nga Ateha tokorua i mua atu o te rua tekau ma rima o nga ra o Hepetema, i te tau kotahi mano e waru rau e whitu tekau ma tahi: A notomea kakore i mana tana ota i whakaputaina i roto i te Runanga, engari ko te kereme o ana tangata kua oti o ratou ingoa ie tuhi ki te Apititanga Tuatoru, i whakawakia i te aroaro o te Kooti Whakawa Whenua Maori i noho ki Kereitaone, me tetahi huuri Maori i uru nga tangata maori toko-wha ki roto, i te whitu o nga ra o Pepuere, i te tau kotahi mano e waru rau e whitu tekau marua, a ko taua kereme i whakawakia hei mea hou, ko te kupu whakaotinga a te Kooti mo runga i taua mea i riro i aua tangata kua oti nei o ratou ingoa te tuhi ki te Apititanga Tuarua, a i puta hoki te kupu i taua wa kia whakaputaina te tiwhikete ki a ratou, engari ko taua tiwhikete kahore ano kia puta: A notemea i puta te kupu whakahe a nga tangata e mau nei a ratou ingoa ki te Apititanga Tuatoru ki te kupu whakaotinga a te Kooti, a i puta te tono a Te Honorable Tanara Makarini te Minita mo te Taha Maori i taua wa ki etahi rangatira o te iwi Maori kia ata kimihia e ratou nga mea e whai tikanga ana ki taua kereme; a i mahia e ratou, i kimihia i runga i taua kupu tono, na ko te kupu page 2whakahoki mai a aua rangatira i mea i tino marama i whakapumautia rawatia to ratou kereme e nga tangata e mau nei o ratou ingoa ki te Apititanga Tuatoru, i mea hoki aua rangatira mehemea i korerotia ki te aroaro o te Kooti Whakawa Whenua Maori nga korero i korerotia ki to ratou aroaro, tera kua marama i taua Kooti te tika o te tono o aua tangata e mau nei a ratou ingoa ki te Apititanga Tuatoru: A notemea i runga i nga mahi katoa o mua kua tupu te tautohe a nga kai tono o tetahi taha ki tetahi taha, a he mea tika kia whakatakotoria he tikanga mo te whakawakanga tuarua kua oti te whakaatu i raro iho nei, kia taea ai te whakaoti tuturu aua mahi tautohe kia tika ai hoki nga whakahaere ki tetahi taha ki tetahi taha i runga i ta te Ture tikanga.