.gif)
Ki Poneke, ki a Henare rata, ratou ko te Runanga o te Paremete,—E hoa ma tena koutou.
Ki A Henare rata,—
E hoa tena korua ko tou hoa. Katahi au ka marama ki a korua hei takuta i toku mate.
E hoa ka whakaatu atu au i toku mate ki a korua: ko to matou whenua ko aku taina. Te ingoa o taua whenua ko Waipiropiro; i pau i te mokete a to matou matua i te mea i iti ana ano matau ko aku taina; a i tenei ra ka tahi au ka rongo kua pau ki te rama, ki te hanga, ki te huka.
Koia au i mea ai kia hoki mai ano toku whenua ki au ara taku mate ma koutou e mahi atu Ka mutu.
E hoa e Rata, tena koe ki te tukua e koe tenei reta ki te Perehi, ara ki te Runanga, tuhia mai he whakaatu ki au kia rongo atu au a ki te kore tukua mai ano kia mohio atu au. Ka mutu.
Kei koua ano a Tareha a Karaitiana Takamoana.
Na Hirini Karauria Pupu.
Na Te Roera Karauria Pupu.
Na Iraia Karauria Pupu.
Na Ekara Karauria Pupu.
Na Te Ruia Karauria Pupu.
Na Ripeka Karauria Pupu.
Na Turanga Karauria papu.
Na Te Matenga Karauria Pupu.
Na Pani Karauria pupu.
Na Whitiwhiti Rionihia.
Na Tuhitio Rionihia.
Na Te Wiki Rionihia.
Na Te Roera Tareha.
Na Kurupo Tareha ka mutu.