Na Ngapuhi tenei pukapuka aroha.
E hoe e Te Kawana, tena koe, tena koe.

E to matou hoa aroha, tenei te pouri nei o matou ngakau, tenei te whakamorikarika nei o matou ngakau ki nga rongo kohuru o Taranaki, ara ki nga Hoia i kohurutia nei e Ngatiruanui, kahore hoki he take mo tenei mahi morikarika, E hoa e Te Kawana ko au whakaaro ki enei tangata maori, he whakaaro aroha, ko a ratou whakaaro mai ki a koe, he whakaaro kohuru. E Kara e Te Kawana peheatia te tikanga mo tena iwi kohuru? kei a koe te whakaaro, kahore ia matou, heoiano ta Ngapui, he whakawhirinaki ki runga ki Te Kawanatanga i runga i te aroha i te whakakotahitanga o te whakaaro. E mea ana matou, ko te taki mai o enei kohuru kei ta ratou mahi Kingi e ahua-reka-tia ana e te pai o a ratou korero, oti he pai-a-ngutu kau, ko nga whakaaro o te ngkau he whakaaro kohuru, heoi a matou nei whakaaro atu kia koe.

E Te Kawana tirotirohia mai e koe a matou ingoa, ka tuhia nei e matou ki tenei pukapuka, he tohu aroha atu na matou ki a koe, he morikarika no matou ki enei mahi kohuru e mahia mai na.

Heoi ano e Kara e Kawana tenei au ka urunga ki runga ki taku moenga. E Kara e Te Kawana kia rongo mai koe, ekore au e korikori aianei: ka takoto au aianei i runga i te ture, e Kara, ki te mea he take he, kei a koe ano te tikanga, heoi ano ena kupu,

Ko nga Hapu o enei tangata e rua, ko Ngaitawake, ko Ngatautahi.

Te Waimate.