Letter From Wi te Wheoro to The Governor.

E Pa, E Kawana Ta Kerei, tena koe! He mea atu tenei naku kia koe kun hinga Waikato kua riro mai nga oranga kei Te Ruato ko 177 me nga Rangatira Takerei Te rau, Wi Kumete, Waikato Te Tawhana, Te Tapihana Tiriwa, Kihi Taiporutu, Pairoroku Tuhikitia, Reihana Tepoki, me te tini o nga Rangatira.

Ko nga pu kua homai kia Te Tianara. Kua puta mai te kupu o nga Rangitira i ora kia haere atu au me Te Kaneri kaiwhaka maori kia whakaritea nga mea e mau at te rongo, kua whakaae ratou ki nga kupu a nga herehere kia mau te rongo kia kore te kingi kia homai te whenua. Ko nga kara Ma kua whakaarahia ki o ratou kainga.

Kua mea atu au kia Te Tianara kia haere maua ko Kaneri kaiwhaka Maori, ki hai i whakaae kei akoe te kupu. Ki te pai koe kia haere maua ko tetehi kaiwhaka maori o Te Kawanatanga. Otiia mau te kupu.

Kua riro mai te mere a Tamehana ia Tianara hei maunga rongo. Hoi.