.jpg)
Ngaruawahia,
Oketopa 3rd, 1863.
| 1. | Whakarongo mai e nga iwi katoa o te motu nei. He panuitanga tenei ki te riteuga o te Ture (ite) o te Atua, o te tangata hoki I te whakaarahanga ote Kingi me ona Ture, me ana Runanga, me ana kaiwhakawa, me ana Rangatira, i roto i tenei kingitanga, ka tu enei Ture, manaakitia ana e nga iwi o te motu nei i runga i te ingon o te Atua a taea noatia nga ra o te whawhai ka hinga enei Ture. Ko te hinga tenei kahore Runanga, kahore ana kaiwhakawa kahore ona Pirihimana, kahore ona Hoia, ko tenei tangata ko te kingi kei te haere noa iho kahore ana kainga, he kainga ano tona i karangatia e te iwi ko Ngaruawahia, ko tona Runanga tawhito kua peia ki waho me nga kaiwhakawa. |
| 2. | E whakaae ana te Ture kia whakahokia tona kainga ki Ngaruawahia, ko te kainga tenei ote Kingi o tenei motu. |
| 3. | E Whakaae ana te Ture kia whakanohokia, tetahi Runanga mohio hei matapuna mo nga tikanga o te motu nei mehemea he kupu ta te Kingi me tuku ki tana runanga kia tirohia, ka tika ma tana runanga e tuhituhi ki nga rangatira katoa, ara ki te Rangatira hoki o te whawhai. |
| 4. | Ko te kaiwhaka wa me tu ano ki tana mahi, no te mea kua tupn haere nga he i roto i te iwi. |
| 5. | Ko nga ope katoa o te matu nei, me haere mai ki Ngaruawahia, kia tangohia i roto i te mano, 200, i roto i te 500 e 50, i roto i te 400 e 40, i roto i te 200 e 20, i roto i te 100 ko 10, i roto ite 50 ko 10. |
Whakarongo e nga iwi katoa e nga rangatira katoa ko taku kupu ka tukua atu ki a koutou,
| 1. | Ki nga iwi katoa kia noho ki Meremere. |
| 2. | Ki te hiahia te iwi ki te haere ki tetahi wahi kia tukua paitia i runga i te whakaaetanga a te iwi a te Rangatira hoki o te whawhai kei haere pouri kei noho pouri, ki te kahore e whakaaetia me noho, te take he whakaaro ki te ra nui. |
| 3. | Ko te taonga, me nga kai me tango katoa; te pu, te paura, te mata, te tingara, te hamanu, te koti, te wati, nga moni, te Rini, te potae, me tango enei. Ko nga mea e mahue ki te tinana o te mea mate, ko te hui, ko te tokena, ko te hate, ko te tarau, me waiho enei i tona tinana. |
| 4. | Ko nga taonga Parau a tera iwi, a tera iwi, a is tangata, a ia tangata, me homai ki te puranga kotahi, kotahi ma Waikato, kotahi kia Ngatimaniapoto, kotahi kia Ngatihaua, me tona kai tiaki me tona kai tiaki me tuhi te ingoa o (te?) tenei tangata ki runga ki tona taonga, ki tona taonga, ka tohungia ki te Hiiri o te kingi. Heoi ano, nga mea e hohoro te puta, ko te pu, ko te [unclear: poira], ko te tingara, me te mata, ko nga taonga, waiho marie kia mutu raano, ka whakahoki ai i nga tuonga o ia tangata o ia tangata, ko enei ture katoa kua whakaaetia nuitea. |