Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Ko Nga Korero o Te Runanga Tuatahi o te Takiwa ki Tokerau

Ko Nga Korero — O Te Runanga Tuatahi — O Te Takiwa Ki Tokerau

page break

Ko Nga Korero
O Te Runanga Tuatahi
O Te Takiwa Ki Tokerau.

Ko nga iwi, e penei aua me te ao e nohoia nei e ratou, e mau ana nga tiwha pouri, me nga tiwha marama, e [unclear: whakapumautia] ana hei toka whakamaharatanga, e tohutohu haere ana, i nga mea e whakapurerotia ake ana, i roto i nga wa torengi whakarere ki te po.

Te ai he piwatawatatanga o te kikorangi o Niu Tireni, i mua atu o te takahanga-a-wae o nga iwi Pakeha ki uta. Ko ehinu o nga mea i karangatia hei toka-tu-mania, ko te tahunga o te Arawa; ko te hihïngatanga [sic] i muri iho; ko te whakakauikatanga o nga iwi Maori, i tera taru oho rere, i te Rewharewha; ko "Te Noanoa," i te whakaraweketanga ki nga tapu a neke ra kia noa ai; a, i muringa iho nei, ko nga parekura whakamataku, o Taurakohia, o Mokoia, o Te Whetumatarau; whakatauwharewharetia mai ana te pango o nga atarangi, ki runga ki te motu i whakawairakautia ki te toto tangata.

Pa ana te wae o te Pakeha ki nga oneone o Niu Tireni, timata tonu ake te marama; a, heahakoa, i tuku pu te rangi i etahi wa, whiti rere ana ano [unclear: te ra], tauawhi ana mai nga hiki ki nga ngakau, i ngaua noatia ra e te mamae.

Kahore atu pea, he mea i hira ake i roto i nga poutokomanawa o nga wa, i te tikanga a Ta Hori Kerei, Kawana, i whakahaerea nei mo te kawanatanga o te iwi Maori. He nui ano nga tuhituhi e maharatia ana e te ngakau, mo nga painga e ahu mai ana i taua tikanga, mo te ata tau hoki, ki nga mea i uaratia i te roki o te tau, e nga tangata Maori. Otira, ehara i te mea, e whakamatautau-a-tangata ana tenei, ki aua tikanga o te Kawana, i horahia nuitia ki nga iwi, engari he titiro atu i runga i te whakaahuarekatanga nui, ki aua tikanga, kua tino whakapumautia. Ko te take tenei i kore ai e. puta rukaruka a matou kupu, e whai ana hoki te whakaaro, ma te tangata ano page 4e matakitaki, kia ata kitea ai te pito.

Tairi ana te honoretanga o te Runanga Takiwa Tuatahi, ki runga ki a Ngapuhi; a, tika rawa atu te whaka-koakoanga a o ratou hoa, mo te otinga paitanga o te mahi Runanga.

[unclear: No] runga i te ahuareka, ka whakatakotoria e matou, ki te aroaro o nga kai korero, nga tataku katoa o taua Runanga, i tukua mai e te Tumuaki-whakahaere o ia Takiwa, e Te Karaka, kaumatua; a, mahara ai te ngakau ki nga whai-korero manamana o te Runanga Maori, i karangatia hei Tuatahi, tera e tirohia e te Pakeha, rao ko te Maori, i runga i te mate nui.