Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

[Printed letter to Waikato chiefs about the causes of war in Taranaki]

[[Excerpt from the 'Maori Messenger' 30 April 1860, p.2–3, Māori]]

[ko te tohutoro i roto i te reo Pākehā]

[gap — reason: illegible] ana nga paamu. Te kaati hoki i enei, na, tokotoru nga Pakeha Maori kohurutia iho, tokorua hoki nga tamariki Pakeha, i kohurutia kinotia e ratou; kahore kau he patu i te ringa o enei hunga, ko aua tamariki ra, he mea tapahi kino ki te patiti a ngakongako noa. Na wai koia enei tamariki i tapatapahi ki te patiti? Na te tangata ranei? Ae ra, na te tangata, na etahi tangata ano e huihui ana ki te karakia i nga Ratapu katoa ka pahemo nei! Tena, me titiro o matou hoa Maori ki te pukapuka o Wi Tako e mau nei, he pukapuka nana ki nga rangatira o Waikato, na ratou ia i tono ki te rapu i te tika i te he o taua mea, ka whakaatu ai, Mea ana ia, "No Wiremu Kingi tenei [unclear: e] no Taranaki tetahi he, nui atu i nga kino o te ao katoa."

Waitoki, Taranaki,
Aperira 10, 1860.

He karere tenei naku ki Waikato, kia noho marama mai ki tenei mahi kuare a Taranaki. Kua tae mai nei au ki konei, kua mohiotia nei e au nga take o tenei he. Heoi ra tenei, heoti.

He kupu ke tenei. Haere atu ra, e taku karere, ki Tongaporutu kia Tikaokao, ki Tarariki kia te Wetini, ki te Kauri kia Takerei, ki Papatea kia Hikaka, ki Whataroa kia Reihana, ki Hangitiki kia te Wetini, ki Mohoaonui kia Eruera, ki Huiterangiora kia te Paetai, ki Taupo kia te Heuheu, ki te Papa kia te Paerata, ki Arohena kia te Ati, ki Kihikihi kia Epiha, ki Hairini kia Ihaia, kia Hoani, ki Rangiaohia, kia Hori te Waru, ki Tamahere kia Tamihana, ki Ngaruawahia kia Rewi, otira kia koutou katoa i ki mai nei ki a au, maku e ki atu ki a koutou nga kupu tika, koia tenei.

E hoa ma, no Wiremu Kingi tenei he. No Taranaki tetahi he, nui atu i nga kino katoa o te ao. Kia tika te whakaaro ki nga kupu ano i whakaaetia mai ai e koutou ki a au, kua kite nei matou. E hoa ma, ko te mahi ma koutou ko te tika anake. Kei utiro mai koutou ki nga mea kuare o te ao. E hoa, ma, kia rongo mai koutou. No mua te he, no muri te tika; heoti ano te mahi mo koutou, ko te kupu a te Matua nui i te Rangi, ara, kotahi te pito o te taura kei runga, kotahi kua tatu iho ki te whenua. Ko te hoa riri tena mo tatou, kia pano rawa tenei korero a koutou ki a au.

E hoa ma, kia rongo mai koutou. Ko te take o tenei he mo te whenua anake. Ehara mo te Kingi. Kei whakawaia koutou e te wairua kino.