[Printed letter, 24 April 1860, objecting to Kīngi's assertions of land ownership]

Haere atu e tenei reta ki Akarana. E tae koe ka kimi atu i a Te Kawana, e kite koe ka mihi atu ka tangi atu. E hoa e te boa aroha, e te matua, tena koe, me tou tinana, me tou kanohi; ka nui to matou aroha atu ki a koe. Heoti tenei. He kupu ano tenei na matou ki a koe no te mea kua tae mai te pukapuka a Wiremu Kingi i tuhituhi tinihanga atu ki te Kingi ki nga runanga o Waikato, o Ngatipawa, o Ngatimaru, o Ngatihaua, o Ngatipakura, o Ngatimaniapoto, o Ngatihikairo. Wha-karongo mai enei iwi, e koutou katoa, e he ana te tikanga a Wiremu Kingi mo taua piwhi, he rawa, he rawa, i a matou i nga tangata o runga o taua wahi e huaina ana taua piwhi Onatiki. Engari pea tona mohio ki Waitara ano, ki taua wahi i kite at ia, i mahi ai ia, i kai ai ia, i kaumatua ai ia, ki aia tona mohio, kei pohehe kau ia, kei mate kau ia, me nga iwi e karangatia ana. E te tangata tinihanga e te tangata maminga e Wiremu Kingi. E aha te pai kia tinihanga koe, e tenei tangata e Wiremu Kingi. E te Kawana, ki a koe te whakaaro ki tenei reta ki a Potatau ki nga runanga o Waikato.