.jpg)
Proceedings of of the Kohimarama Conference, Comprising Nos. 13 to 18 of the "Maori Messenger."
[Na Tamati Hapimana Te Rangi]
Tera ano tetahi tautohetohe kai Turanga mo Te Rire (Pakeha), he tautohe na te hunga ano nona te tamaiti, a Tipuna. Ko nga ingoa tenei o taua hunga. Ko Hori Te Hiko, ko Rapata Wakapuhia.
| Ko nga tangata tenei e pehi haere ana i runga i nga ritenga pai a te hunga whakaaro pai. E mea ana matou ki te tikanga a taua hunga e tohe ana kia pa to raua ringaringa ki te Pakeha, ki a Kapene Rire, kia murua te hoiho; heoi, ka rongo matou ki te whakaaro o taua huuga, ka korerotia nuitia taua tikanga, kia whakamutua te ritenga o taua hunga. Kua tae mai hoki i ahau nga korero mo taua tamaiti. Ka korerotia e au, ko nga moni a Te Rire hei utu mo taua mahi a Tipuna | £3 0 0 |
| Ka homai ano e Te Rire he moni | 2 0 0 |
| Ka | £5 0 0 |
—Hei whakangawari enei moni mo te hunga nei, mo nga matua. Heoiano kihai te whakaaro a te hunga nei i pai kia tango ki aua moni a Te Rire; heoi ko te raruraru tenei ka whakaturia atu nei kia rongo koe. Ko matou ano ko nga kaumatua e whakakahore ana i te ritenga o taua hunga tokorua, kia kaua he mahi hianga, kia noho ano nga tangata i runga i te pai o te ture kotahi. Ko te hunga tenei e takahi ana i nga kupu tika a te hunga whai whakaaro, a nga kaumatua o te Hahi. Heoi.
Ka mutu nga tikanga o to matou nei kainga. Mau e ata titiro iho enei korero a matou. Tenei taku tau:—
Tera Matariki te whetu o te tau,
E whakamoe mai ra,
He homai ona rongo,
Kia atu au,
Ka mate nei au
I te matapouri,
I te mataporehu,
O roto i ahau
E whakatutuki ana
Ki ta te rangatira,
Ki tana whakaironga
Kuru rawa i aku iwi,
Kohi rawa i aku kiko,
Poka rawa i aku karu,
Tare ana i waho ra
Whanake te hikihiki,
Haere purangi te hua
Ki runga,
Maka ki tawhiti.
Ki nga whenua ahau.
E hoa, e Kawana Paraone,—
Ko te ingoa tenei mo tenei nuipepa. Ko Matariki, na Matariki i huihui nga kai page 40 katoa, nga whetu.
Na Kawana i karanga nga rangatira katoa kia huihui mai, nokonei i marama ai te ingoa mo tenei pukapuka ina perehitia, ko Matariki.
Na to hoa aroha,
Na Tamati Hapimana Te Rangi.
Kai whakaako o te Hahi o Pihopa Wiremu,
o Ingarangi, Turanga.