Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

[Submission, 25 July 1898, on draft legislation relating to land]

page break

Poneke.

Hurae 25 1898.

E hoa ma Tena koutou, tirohia tenei Pire, me ona tikanga o roto ko te tino mea nui.

(1.) Ko te Arai i te Hoko Whenua.
(2.) Ko te Arai i te muru Whenua mo te Nama.
(3.) Ko te Kooti Whenua ka mutu, ka riro mate Iwi Maori e whakahaere.
(4.) Ko te Itemoari, hei whakahaere i nga Whenua e hiahiatia ana kia Riihitia atu kia itemuta mai ai he oranga mo nga Tangata no ratau te Whenua.
(5.) Ma te Itemoari e Nama mai he Moni whakaitemai mo nga Whenua ina whakaae nga Tangata no ratau.
(6.) Ko nga Komiti Takiwa me nga Komiti Itemoraka, hei hoa mahi tahi me te Poari i nga mahi e tau ai te pai mo te Iwi Maori.
(7.) Hei whakahaere pai, hei tiaki i te ora ma te Iwi Maori, me nga Tamariki Kura.
(8.) Ko te Komihana hei upoko, hei tieki, hei Whakahaere i nga mahi a te Poari, me ona Komiti, e tika ai e pai ai te whakahaere.

Na e hoa ma, ka tae atu tenei kia koutou, tuhia mai he Pitihana tautoko mo tenei Pire, kia tere mai, kaua e whakapono ki nga korero rupahu a nga kai whakahe e Kauhou haere nei, hei turaki i tenei Pire, kaua koutou e whakapono, e hara hoki ta ratau i te rapu i te ora mo te Whenua me te Iwi, engari e rapu ana i etahi huarahi ngaro, kore rawa nei e puta ake he ora, engari he mate tona mutunga, ara kore rawa he mea hei arai i te hoko e toe ai nga Whenua mo a muri ake nei, kaore hoki e taea e aua tangata te homai he Pire pai ake i tenei, a kaore e taea e ratau te ki, tera e paahitia he Ture e rite ana ki to ratou hiahia.

Ko tenei e te Iwi, tahuri mai hapainga te ora mou, kua homai nei e te K[gap — reason: damage]ti me tona Kawanatanga kia tatou, tuhia mai nga Pitihana tautoko.

Na o koutou hoa.
Peni Te Uamairangi. Heta Matua.
Paratene Ngata. Taniora Te Mana.
Tamahau Mahupuku. Haaka Tautuhi.
Hoani Ruru. Hiraka Te Rango.
Hori Te Huki. Ru Reweti.
Matutaera Tukehu. Wi Pere.
Enoka Te Taitea. H. Tomoana.
H. T. Rangitakaiwaho.

He Mea Ta E R. Te Parera Kite "Puke Ki Hikurangi."