The Native Lands Settlement and Administration Bill, 1898 (letters received by the Premier from native chiefs and others relative to) : laid on the table of the House of Representatives by leave of the House.
[Translation.]
[ko te tohutoro i roto i te reo Pākehā]
[Translation.]
Papawai, 20 Hune, 1898.
Kia te Hetana, Pirimia, Te Minita mo te Taha Maori.
Tena koe.—I runga i te whakahau a te Hui o nga Bangatira Maori, I huihui nei ki konei. A i runga hoki i te kowhiritanga a taua Runanga ia inatou. Hei komiti tuku atu i nga whakaotinga a taua Bunanga rno nga kupu i raro nei, ara :—
1. | E tino tautoko ana tenei runanga o nga rangatira Maori. Mo te Pire Whenua Maori, i tukua mai nei e koe, ki taua runanga. I runga i nga. kupu whakatikatika me nga kupu whakauru, ki taua Pire. Kua whakarapopotia ki roto ki te tauira Pire, e apiti nei ki tenei. |
2. | A e inoi ana hoki, kia ata whakaarohia aua whiriwhiringa. Kia ahua rite ki te hiahia o tou iwi Maori. Ina mahia e koe te tino Pire. Hei tukunga ki te runanga nui o te Whare Paremete o Niu Tireni. |
3. | E hara i te mea e hiahia ana matou kia araia nga huarahi e whakaraahia ai o matou toe- page 3 nga whenua e puta mai ai he oranga mo matou i runga i te tuku riihi. Engari e hiahia ana matou me whakahaere i roto i o matou hui Maori e whakaritea ana te whakariterite atu ki te Poari, mo nga tukunga whenua o ia hapu o ia hapu, he mea tino marama tena, e kore ai e tau he ngakau tupato, wehi ranei ki te nuinga o te iwi Maori. |
4. | A, e hiahia ana matou kia whai komiti ano i raro i te Poari, me nga komiti poraka, hei hoa mahi tahi me te Poari. E mama i nga mahi. |
5. | Me to matou hiahia, kia whaimana ano te komiti, ki te whakahaere tikanga hei tohutohu. hei tiaki i te noho ora me nga kainga noho, me te awhina i nga tamariki kura, me te tiaki i nga oranga kai, moni ranei, ekore ai e whakapaua kinotia. Kia tupu ake ai he pai he oranga, mo tou iwi Maori. |
6. | He tika noa atu te wahine whai take ki te whenua kia uru hei mema mo te komiti poraka, ina hiahia ki te uru, he tokomaha ke nga wahine mohio e whakahaere tika ana i o ratou hapu. |
7. | Mo te mana o te Kooti Whenua Maori, he mea tika rawa kia mahi tahi te komiti Maori. Ahakoa he mea whakatu ratou e te Poari i te tuatahi. He mea whiriwhiri ranei e nga taha e rua i te wa e whakahaere ai i ia keehi i ia keehi e whakawakia. Tera e oti marama noa atu etahi keehi i runga i te ata whakariterite me te whakaaetahi. I te aroaro o te komiti o te Poari ranei. |
8. | Me tu ko te Poari hei whiriwhiri i nga keehi tono whakawa tuarua, ma te Poari ranei. E whakatu he komiti kei hei Kooti tuarua. |
9. | Ma te Komihana o te Paori, e whakamana nga ota katou. A e haina i tona ingoa ki runga i taua ota. Hei whakamana i te haina a te Tiamana o te komiti nana i whakatau tuatahi, tuarua ranei. Otira tera ano e whakamaramatia e nga tangata o matou e tukua atu ana hei kawe atu ki to aroaro, ina uia e koe nga kupu i roto i te Pire e Apiti Ake nei. |
10. | He nui te whakapai o te Huinga nui o nga rangatira mo runga i nga korero i whaka-puakina e koe ki konei a kua perehitia nei, kua tukua hoki ki nga tangata katoa. Mo runga hoki i te pai o to tukunga mai i te Pire ki roto ki te hui o tou iwi Maori, kia whiriwhiria. Me te tumanako, tera e pumau tonu tenei tikanga marama, mo era atu Pire e pa ana ki te iwi Maori. Mo runga hoki i te ngawari o tou Kawanatanga ki te awhina i a matou i whakanga wa ritia ai te huarahi reriwe e mama ai nga rangatira Maori te haere mai ki tenei hui. Mo runga hoki i to whakaritenga takuta mo tenei hui, a he maha ano nga tangata i pa etahi mate, otira i ora katoa a hoki ora atu ki o ratou whenua, a tae noa ki tenei ra, kore rawa, he tupapaku kotahi, i mate. Mo runga hoki i to tukunga mai i nga teneti hoia hei awhina mo tenei hui, a i pai ai te noho o nga iwi katoa me tou Kawanatanga hoki i whakarite i te aroha o to tatou Kuini atawhai, mo te mihi a te iwi Maori ki a ia. A e tumanako tonu ana koe kia noho ora to iwi Maori, ara, kia whakapumautia o matou whenua e toe nei kia kaua e pau i te hoko. Koia nei nga mihi, me nga whakawhetai a nga rangatira katoa o tou iwi Maori, me nga poroporoaki hoki i tenei ra mutunga o te hui nui o nga motu e rua o Niu Tireni. |
11. | E tika ana hoki kia mau ki konei a matou kupu whakamihi-poroporoaki hoki, mo Tamahau Mahupuku, me ona hoa rangatira tane wahine me nga hapu o te marae, mo te tiaki pai i nga manuhiri, me te whakahaere o nga kai katoa ma te hui, a mutu noa. I pai nga mea katoa me nga tangata whakahaere, me nga kuki, nga tuari, nga pirihimana Maori. Me era atu tikanga manaaki mo nga manuhiri. I pai katoa, nui atu te kaha o taua rangatira o Tamahau ki te whakahaere i nga tikanga mo nga manuhiri katoa, me te hui. |
12. | E inoi ana nga rangatira Maori kia whakapumautia te matou runanga mo ia tau mo ia tau, mehemea e ahei he hanga he Ture. Hei whakamana i tenei Bunanga Maori o te Kotahitanga o tou iwi Maori. E whakaaro ana ano matou, tera e whakaitia nga tangata tuturu mo te Hui Maori, kia kaua e iti iho i te 30 e nui ake ranei i te 100, a tera e mama noa iho nga tangata whenua o to marae ki te atawhai i te hui. Kia waiho ai tenei hui, hei whiriwhiri mo nga mea e pa ana ki te iwi Maori, mo nga Ture e tukua e koe ki taua hui, mo nga tono hoki a te iwi Maori. E ahu atu ana ki ta Kawanatanga. Me huaano te ingoa o taua runanga ko te Kotahitanga o te iwi Maori. |
Heoi. Kia ora tonu koe, me tou Kawanatanga.
Heoi ano na matou na nga rangatira tane, wahine hoki.
A he mea haina e matou e te Komiti tuku atu e mau nei o matou ingoa.
Paratene Ngata me etahi atu.