Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

[Collected Rules and Regulations of the Native Land Court, in English and Māori]

Kanataraka

Kanataraka.

74.Ko nga kanataraka mo te taha ki te kaporeihana ka ahei te hanga i runga i enei ritenga e whai ake nei, me te tau hoki o enei tikanga, ara:—
(1.)Me whakamana ia kanataraka ia kanataraka i runga i te kupu whakatau a te Komiti.page 13
(2.)Ko nga kanataraka e tika nei i runga i nga tikanga o te ture kia tuhituhia i waenganui i nga tangata noa iho, ka ahei te mahi e nga mema tokorua o te Koraiti mo te taha ki te kaporeihana i runga i te tikanga tuhituhi, i raro i te hiiri o taua kapo-reihana.
(3.)Ko nga tiiti katoa e tika ana hei whakamana i tetahi kanataraka me haina e nga mema o te Komiti kia kaua e iti iho te tokomaha i te tuarua i te aroaro o tetahi Tiati o te Kooti Whenua Maori, o tetahi atu apiha ranei kua whakaritea e te Kawanatanga mo taua mahi, a ko taua tiiti mehemea ia he tiiti whakahaere tikanga mo te tuku whenua me haina hoki e te Komihana mo nga Whenua o te Karauna, e te Apiha Whakahaere Whenua Maori mo te takiwa ranei, engari ia me kaua e tau he he ki taua Komihana, Apiha ranei i runga i nga tikanga o te tiiti kua hainatia peratia ra.
(4.)Ko nga kanataraka ka hanga ki waenganui o nga tangata noa iho, a e mana ana i runga i nga tikanga o te ture, ahakoa he mea mahi a-ngutu kau, kaore i tuhitnhia ki te puka-puka, ka ahei te hanga a-ngutu mo te taha ki te kaporeihana e te Tiamana me tetahi atu mema o te Komiti.
(5.)E kore te kanataraka mo nga moni e neke ake ana i te £50, me te kanataraka pehea ranei mo te tuku whenua, e whai mana ki runga ki te kaporeihana me nga mea o taua kaporeihana, e mana pehea ranei ki te kore e whakaaetia e te Kai-tiaki mo te Katoa; engari ahakoa whakaae ia e kore e tau he he ki runga ki a ia i runga i nga tikanga o te mea i whakaaetia ra.
75.Ko nga kanataraka katoa e hanga ana i raro i nga tikanga o te tikanga whakahaere i mua tata ake o tenei ka taea penatia ano te whakarere-ke te whakaoti ranei.