• "Poari" ka kiia ko te Poari e whakaturia ana i raro o tenei Ture.
• "Whenua" ka kiia ko nga hea whai paanga whai taketanga ki tetahi whenua.
• "Whenua" ka kiia ko nga hea whai paanga whai taketanga ki tetahi whenua.
• "Minita" ara ko te Minita mo nga Whenua.
• "Heretitamete Maori" ka kiia ko nga whenua a nga Maori kua oti te whakatau e Te Kooti Whenua hui atu ki nga whenua e mau ana ki nga Maori i raro i era atu take engari kaore e uru mai nga whenua ka korerotia i muri nei, erangi kia oti ra ano te whakatau i te take o aua whenua, kaore hoki e uru atu nga whenua a nga Maori he mea hoko e ratou i te Karauna, i tetahi tangata, kaporeihana ranei.
• "Whenua Maori" ara nga whenua a nga Maori e mau ana kia ratou i raro i o ratou tikanga ritenga Maori engari kaore ano kia oti te whakatau te whai taketanga e te Kooti Whenua Maori.page 2
• "Maori" ara nga tangata Maori o Niu Tireni me nga hawkekaihe me a ratou uri.
• "Tangata Whai Paanga" ara nga Maori whai hea.
• "Te Kooti Whenua Maori," ara Te Kooti Whenua Maori i whakaturia i raro i "Te Ture Kooti Whenua Maori, 1886."
• "Te Ture Kooti Whenua Maori, 1886," ara ko taua Ture me ona whakatikatikanga me nga Ture e paahitia ana hei riwhi mo tera.

Kia tokowha nga tangata o te Poari hei Koarama a ka tino mana ratou ki te whakahaere i nga mahi me nga ritenga me nga mana ano ko te Poari topu tonu.

Me noho te Poari i nga wa me nga wahi e whakaaturia ana e te Kawana ia wa ia wa i raro i nga ture whakahaere.

Ko te Tumuaki o nga Kai Ruri te Tumuaki o te Poari, koia hei upoko i nga huihuinga katoa; a i te mea e ngaro ana ia ko te Komihana o nga Whenua Karauna o taua takiwa hei Tiamana, a koia he upoko i nga huihuinga. Kia rua pooti mo te Tiamana, a ki te rite tonu te maha o nga pooti ka whai mana te tiamana ki te pooti, ki te pooti whakatau hoki.

Ka ahei te Kawana i roto o tona Kaunihera ki te turaki i nga Komihana Maori, a ki te mea ka turakina tetahi, ka mate ranei, ka whakamutu ranei tetahi Komihana Maori i tona tunga, ma te Kawana e whakatu tetahi Maori Whai paanga hei riwhi mo te mema o te Poari kua kore ra.

Ka ahei te Kawana ia wa ia wa ina kitea e ia te tika, ki te hanga i ana ture whakahaere mo nga mahi o te Poari e paingia ana e ia.

E kore e tika kia hoatu tetahi moni utu ranei ki tetahi mema o te Poari, haunga ia te Komihana Maori, erangi ka ahei ano kia utua ki nga mema o te Poari nga moni e pau ana mo a ratou haereeretanga e tae atu ai e hoki mai ai i nga huihuinga o te Poari.

Ko te utu mo te Komihana Maori, apiti atu ki nga moni e pau ana mo te mahi haereere, kaua e nuku atu i te Kotahi rau Pauna i te tau.

Me tango nga moni utu me nga utu o nga haereetanga i roto o nga moni e pootitia ana e te Paremete mo enei mahi.

• (1.)Me whakahau e ia te Poari ki te whakaatu ki aia—

  (a.)	Te ahua o te whenua e meingatia ana kia tangohia;
  (b.)	Te ahua paitanga hei whenua whakanohonoho, hei tukunga hoki i raro o "Te Ture Whenua, 1892";
  (c.)	Tona utu e tika ana, he mea whakarite e etahi tangata watea tokotoru kaore a ratou paanga tahi, ma te Poari tetahi e whakatu, ma nga Moari whai paanga ki te whenua e tangohia ana e whakatu tetahi mehemea he kaumatua ratou, a mehema kaore i rite a ratou tau, heoi ma tetahi Tiati o te Hupirimi Kooti e mahi ana mo te taha kia ratou e whiriwhiri, a mehemea he tamariki aua tangata whai paanga, he porangi, he aha ranei, ma tetahi Tiati o te Hupirimi Kooti e whiriwhiri mo te taha kia ratou i runga i te tono a te Minita (a kei nga keehi he heretitemata Maori te whenua e tangohia ana, me tu te kaiwhiriwhiri utu i runga i te tono a tetahi Maori tangata whai paanga ki taua whenua. A ko te tuatoru a aua kaiwhiriwhiri ma nga tangata tokorua e whakahua, otiia ki te kore e rite te whakaaro o taua tokorua ki te tangata hei kaiwhiriwhiri pau noa te ruatekau matahi ra i muri mai o te tunga o te kaiwhiriwhiri whakamutunga kua whakaturia ra, heoi ma tetahi Tiati o te Hupirimi Kooti e whakaingoa te kai whiriwhiri i runga i te tono a te Minita. A ki te mea ka mate tetahi o nga tangata kua tu hei kaiwhiriwhiri utu o te whenua, ki te kore ranei taua tangata e pai ki taua mahi i mua o te whiriwhiringa utu, heoi ka ahei te Poari ki te whakatu i tetahi kaiwhiriwhiri ke hei riwhi, a ki te mate te kaiwhiriwhiri i whakaingoatia e te Poari, ki te kore ranei e pai ki taua mahi, ki te pera ranei nga kaiwhiriwhiri i whakaturia e tetahi Tiati o te Hupirimi Kooti, heoi ma te Poari ma te Minita e tono ki tetahi Tiati o te Hupirimi Kooti ia wa ia wa, mehemea e tika ana kia peratia.

Ko te whiriwhiringa o aua kai whiriwhiri, o etahi tokorua ranei o ratou ka kiia koiana te utu mo te whenua kua tuturu i te Poari. I mua o te tunga o tetahi kaiwhiriwhiri ki te mahi penei me whakaatu penei tana kororo ara:—

Ko ahau ko, A.B., o ka tino korero pono inaianei kaore kau rawa oku paanga, tikanga whakahoatanga pewhea ranei mo tetahi whiriwhiringa utu ka whakakahaerea inaianei mo [me whakahua ikonei te ingoa o te whenua ka whiriwhiri me ona ritenga katoa], a tera ahau e mahi i runga i toku kaha, i runga i te tika me te pono me toku mohiotanga, te whiriwhiringa nei i raro i nga ritenga o "Te Ture Hoko Whakawhiwhi Whenua Maori, 1893": A e hanga ana, e ahau tenei tino whakaatu pono i runga i te mohiotanga o toku hinengaro e tino tika ana, i raro hoki i te mana o tetahi Ture o te Runanga Niu o Niu Tireni e whakahuatia ana, "Ko Te Ture mo nga Hei Pi, 1882."

Ko taua panui whakaatu ka tukua ki nga tangata whai paanga ki te whenua erangi e kore e whakahuatia a ratou ingoa, otiia ka whakahuatia te whenua me ona ritenga katoa kia tino mohio ai nga tangata whai paanga ko ta ratou whenna tonu te whenua e meatia ra i roto o taua panui.

Me whakauru ki roto ki taua panui—

Me hono tonu te perehi o te panui ki roto i te Gazette me te Kahiti a taea noatia te ra whakamutunga e whakamaramatia mai ana e taua panui hei tunga mo te pooti kua kiia ake nei. Me perehi hoki taua panui ki roto i tetahi nuipepa e whakaritea ana e te Kawana a me perehi i te wahi tutata ki te takotoranga o te whenua ki te reo Maori me te reo Pakeha, kia kotahi panuitanga i roto i ia marama i roto hoki i te wa e whakamutua mai ana e taua panui. Mehemea e mohiotia ana nga ingoa me te kainga hei tuhinga atu ki tetahi o nga tangata whai take, me tuku he tauira o te panui, mea perehi ki aua tangata whai take ra roto i te poutapeta me te rehita ano hoki i taua pukapuka erangi ia ekore e meinga tetahi pohehetanga ki te tuku i aua panui hei take whakakore i tetahi tikanga i raro i tenei tekiona.

Ka ahei te whakahaere i tetahi pooti i raro i tenei huarahi e mau iho nei me te whakarereke ano i ia wa i runga ano i ta te Kawana i tohutohu ai:—ara, Kia te Kawana.

Ko matou ko te hunga e mau nei nga ingoa i raro iho nei me te hunga hoki e whai take ana e tika ana ranei kia whai hea paanga ranei ki tenei whenua katoa. (Me whakaatu i konei i te whenua) ara ko te whenua i uru ki roto i te panui i perehitia i roto i te Kahiti o te o nga ra o 18, kua whakaae i konei ki te hoko me te tuku kia te Kuini taua whenua mo nga moni e £, ara ka nga moni he mea whiriwhiri a i whakataua e te Poari Hoko Whenua Maori i raro i te Ture Hoko Whakawhiwhi Whenua, 1893, mo te tuku ranei i taua whenua i runga i te riihi i raro i nga tikanga o "Te Ture Whenua, 1892," pera ano me nga whakaritenga e "Te Ture Hoko Whakawhiwhi Whenua, 1893," pena ano me te ahua o tena take.

I tuhia i tenei ra i te o nga ra o, 18.

Kia rua nga taha pooti, kia kotahi ki te reo Pakeha kia kotahi ki te reo Maori. Me haina aua taha e rua e nga tangata e pooti ana, a me titiro e nga tangata tokorua te hainatanga a aua tangata a ko tetahi o aua tokorua me kaiwhakamaori whai raihana a ko tetahi me Hei Pi he Roia ranei o te Hupirimi Kooti, ko te Karaka ranei o te Kooti Kaiwhakawa tuturu, ko te Kairehita ranei o te Hupirimi Kooti ko te Pohimahita ranei. Ko te kaiwhakamaori e titiro ana i te hainatanga a tetahi Maori me whakamarama e ia nga tikanga o te pukapuka i mua i te hainatanga a tetahi Maori, a i te wa e titiro ana taua tangata i te hainatanga me tuhituhi e ia ki runga i taua pukapuka me whakapiri atu raneipage 5 i tana tiwhikete i raro ano i tona ringa i tino whakamaramatia nga tikanga o taua pukapuka i mua o te hainatanga, a ko taua tiwhikete tonu hei ki i ata whakamaramatia taua pukapuka a i mohio te Maori e haina ana i nga tikanga o taua pukapuka a i whakaae hoki ia ki te haina. Ka ahei te mea kia maha nga pukupuka pooti a me haina ia pukapuka pooti e te tangata kotahi e nga tangata tokomaha ranei e pooti ana.

Mehemea e mea ana aua tikanga i hanga me hoko me tuku ki a te Kuini kei reira ka ahei e te Kaawna i runga i te Ota a tona Kaunihera te ki he whenua aua whenua kua tukua motuhaketia ki a te Kuini a ka tukua e taua Ota i roto o te Kaunihera taua whenua kia te Kuini me te whakawaha mai i runga i nga tono me nga take me nga paanga katoa a i reira ano ka kiia aua whenua he whenua no te Karauna a ka ahei te tuku atu i raro i "Te Ture Whenua, 1892."

Ko te Ota i roto i te Kaunihera ka ahei te rehita i raro i "Te Ture Rehita Tiiti, 1868," ki roto i te Tari Rehita Tiiti o te takiwa i takoto ai te whenua ara mehemea i tau taua whenua ki raro i taua Ture, a mehemea kihai i tau ki raro i taua Ture, ka ahei te rehita te Ota i roto i te Kaunihera i raro i "Te Ture Whakawhiti Whenua, 1885," ano he tuku whaimana kia te Kuini, a me tono whakakore e te Kairehita Whenua Takiwa nga tuhituhinga katoa i roto i te pukapuka rehita e pa ana ki nga take ki aua whenua. A i muri i te rehitatanga o tetahi Ota o roto o te Kaunihera kua kii ake nei kahore he rehitatanga e rehitatia haunga ia nga whakahaere a te Karauna.

I muri iho i te ra i tuhia ai te Ota i roto i te Kaunihera i raro i tenei tekiona a e tuku motuhake atu ana i tetahi whenua kia te Kuini i runga i te hoko me te tuku, na ko nga utu mea whiriwhiri i whiriwhiria e te Poari me utu i raro i nga tikanga o tenei Ture ki nga tangata whai take i runga ano i te rahi o ratou hea a me utu he inatarete kia pena te maha i te tau i runga i aua utu i whiriwhiria e te Poari timata mai ano i te ra i tuhia ai te Ota i roto i te Kaunihera a taea noatia te wa i utua ai.

Mehemea he whakaaetanga taua pootitanga kia tukuna te whenua i runga i te riihi i raro i nga tikanga o "Te Ture Whenua, 1892," kei reira me ki e te Kawana ra roto i te Ota o te Kaunihera kua tukua taua whenua kia te Kuini i runga i te tiaki mo nga tangata Maori whai take me o ratou uri a ma taua Ota tonu i roto i te Kaunihera e whakatau i taua whenua ki a te Kuini i raro ano ia i te tiaki kua kiiaake nei erangi ka araia i runga i nga tono me nga take me nga paanga i runga i taua whenua a ka kiia taua whenua he whenua no te Karauna.

Ka ahei te rehita te Ota i roto o te Kaunihera i runga ano i te huarahi a muri nei whakaritea ai ara mo runga i nga pootitanga ki te hoko me te tuku ki a te Kuini a ka pera ano te mana o nga tikanga e whakaritea ana mo aua tikanga.

Mai ano i te ra i tuhia ai i muri iho hoki o te mananga o tau Ota i roto i te Kaunihera kua whakahuatia i muri nei ko te whenua e whakahuatia ana i roto i taua ota ka ahei te tuku i runga i te riihi i raro i taua Ture, a i reira ano ka pa enei tikanga e mau ake nei:—

Ahakoa tetahi pootitanga e nga Maori kia tukua tetahi whenua i runga i te riihi i raro i tenei Ture, ka ahei e aua Maori i tetahi wa i muri iho i te pooti kia hokona kia tukuna taua whenua ki a te Kuini a i reira ano ka pera ano te whakahaere i aua whenua ano kahore rawa i riihitia.

Ahakoa etahi atu tikanga o tenei Ture e tau ai tetahi tiaki ki runga i tetahi hea paanga ranei ki tetahi whenua, a ahakoa te ekenga o tetahi here tikanga ranei ki runga i taua wheuua, a ko nga tangata whai take e neke ake ana to ratou maha i te hawhe o aua tangata whai take ki aua hea paanga ranei ki aua whenua, ki te mea ranei he whenua kahore ano i whakatuturutia te rahi o nga hea me nga panga ki aua whenua, ka ahei e te tokonui o aua tangata whai take i mua i muri iho hoki o taua panui kua kiia ake nei, a i mua ano hoki i te paunga o te wa i whakaritea i mua ake nei kia turia taua pooti ka ahei i runga i te tuhituhi pukapuka mea whakaoti mea ata titiro a kua oti ake nei te whakaatu nga tikanga mo rnnga i tetahi pootitanga ka ahei te tuku me te whakarere i taua whenua kia te Kuini i runga i nga utu i whiriwhiria i whakataua e te Poari a ko taua pukapuka i whakaotia ra ka meinga hei here ki runga i nga tangata whai take katoa ki aua whenua me era atu tangata katoa o ia ahua ahakoa he tamariki he porangi me era tu tangata ahakoa e whakaae ana ki te tuku ki te whakatau i aua whenua kia te Kuini kahore ranei.

Ko nga Kaitiaki kei a ratou tetahi tiaki mo nga tamariki me nga porangi me era tu tangata ka ahei mo te taha ki aua tangata, a ahakoa nga tikanga o te tiaki me pa tahi ki te tuku i taua whenua, a ko ta ratou whakaotinga i taua pukapuka tuku ka meingata hei here kia mana ai nga tikanga a ka mana tonu. Ko nga utu i whiriwhiria mo te whenua me tuhatuha me utu ki nga tangata whai take ki te whenua i runga ano i te rahi o ratou hea me o ratou paanga.

Mo runga i nga whenua Maori ka ahei e te Kawana te tohutohu i te Kooti Whenua Maori kia kimihia nga take mo aua whenua a i reira ano me tahuri te Kooti ki te kimi.

Ko nga whakahaere kimihanga take haunga ia etahi tikanga whakahaere ture i whakaritea ai e te Kawana me ahua rite tonu ki nga tono whakawa take i runga i nga tono a nga Maori e ki ana e whai take ana e pa ana ranei ki tetahi whenua pera ano me nga whakaritenga e te Ture Kooti Whenua Maori, 1886, a ko nga tikanga katoa o taua Ture e pa ana ki tetahi whakawakanga take mo tetahi whenua Maori i raro i taua Ture me pa ki nga whakawakanga take i raro i nga tikanga o tenei tekiona; a ka ahei te hanga i nga ota katoa me nga mahi i mahia e taea ana ranei te mahi i runga i tetahi whakawakanga take ki tetahi whenua Maori i raro i te Ture Kooti Whenua Maori, 1886, erangi ia me kaua he wehewehenga erangi ma te tohutohu pera ano e te Kawana te taea ai te wehewehe.

Ko nga tono katoa me nga moni i pau i te whakahaerenga i nga tikanga o tenei tekiona me utu e nga Maori whai take a ka whakaekea aua moni ki runga i aua whenua Maori mo te taha kia te Kuini.

Ka ahei e te Kawana i runga i etahi tikanga whakahaere ture te whakatakoto i nga tikanga whakahaere i roto i te Kooti Whenua Maori i raro i tenei tekiona me te whakarite ano hoki i etahi tikanga whakahaere ture e taea ai te whakamana i nga tikanga o tenei tekiona.

Ka oti te whakawa i te take ki tetahi whenua Maori i whakaritea e tenei Ture ko nga tikanga o tenei Ture e pa ana ki nga herititemata Maori ka pa ki aua take whenua Maori.

I mua o te whakaotinga o tetahi tuku ki a te Kuini me titiro e te Kawana mehemea e whai whenua ke atu ana nga Maori i nga hea me nga paanga i roto i te poraka, i te wahi whenua ranei e meatia ana kia hokona, a mehemea he whenua ke atu to aua Maori hei oranga mo ratou, a ki te mea kahore he whenua ke atu me rahui tetahi wahi o taua poraka wahi whenua ranei kia pena te rahi i runga ano i ta te Kawana i whakaaro ai e rahi ana hei oranga mo ratou a ko nga utu whiriwhiri o te whenua e rahutia peratia ana me tango i roto i nga moni hoko, ka ahei ranei te Kawana te tango i te poraka katoa me te utu i nga moni katao mo taua poraka, a mehemea kahore e rahuitia etahi wa hi o taua poraka i tangohia me wehe etahi whenua i roto i nga whenua Karauna i pai ai ia hei oranga mo aua Maori.

Ko te rahi o te whenua hei oranga mo nga Maori ka kiia mo runga i nga tane Maori katoa me nga wahine me nga tamariki ranei,—

Ko tetahi whenua e rahuitia peratia ana e wehea ana ranei ka ahei te whakatau aua hea panga ranei ki aua whenua ki aua Maori i raro ano i ena here me ena tikanga i pai ai te Kawana ka ahei ranei e te Kawana te whakatau aua whenua ki tetahi hunga ropu a e whai mana ana i runga i te ture ki te whaka-page 8haere rahui Maori me te whakahaere ano e taua hunga ropu hei painga mo nga Maori.

Ka oti te hanga tetahi Ota i roto i te Kaunihera a e ki ana e taua Ota me tuku tetahi whenua i runga i te riihi i raro i nga tikanga o te "Ture Whenua, 1892," a mehemea kihai i taea te tuku taua whenua i runga i te riihi i roto i nga marama e ono timata mai i te ra i tuhia ai taua Ota i roto i te Kaunihera, kei reira ko te wahi kihai i riihitia ka ahei e te Kuini i ia wa te whakaputa ki nga tangata e tika ana kia riro i a ratou nga moni reti o aua whenua a mehemea kei te riihi ko nga moni reti e utua ana mo nga whenua kihai i riihitia me kaua e neke ake i te wha pauna i roti i te rau pauna o nga moni i whiriwhiria i runga i aua whenua kihai i retia, a ko aua utu me whakatau i runga i te utu mo te eka, i runga ranei i te utu o te eka i whakataua ai e te Poari i te whiriwhiringa tuatahi.

Ko aua moni katoa hei taumahatanga ki runga i te whenua a ka ahei te tango mai aua moni i roto i nga moni reti o te whenua ina riihitia i roto ranei i nga moni hoko [unclear: ina] hokona te whenua.

Mehemea e rereke ana nga utu whiriwhiri i runga i te eka e whakataua ana e te Poari kei reira ko nga whakataunga i nga utu i raro i tenei tekiona ko aua utu whiriwhiri mehemea e rereke ana nga whiriwhiringa, me whakatau e te tangata kotahi maha atu ranei i whakaturia e te Tiati Tumuaki o te Kooti Whenua Maori i runga i te tono a te Minita tetahi tangata ranei e tika ana kia riro i aia nga moni reti mehemea e riihitia ana taua whenua.

Ka ahei te Kooti Whenua Maori i ia wa i runga i te tono a te Kawana a te Minita ranei a tetahi tangata ranei e ki ana e whai take ana ki tetahi hea paanga ranei ki etahi moni ahakoa he moni takoto kau he hua ranei a mehemea he tokomaha nga tangata e ki ana e whai take ana ratou ki aua moni ka ahei e te Kooti Whenua Maori te whakatau i nga hea ma ia tangata me te hanga ano hoki i te ota whakatuturu i taua whakataunga.

Ko nga tikanga o te Kooti Whenua Maori e pa ana ki te kimihanga o nga hea me nga take Maori ara i nga heritemate Maori i raro i tenei Ture ka pa te tetahi whakahaerenga take a te Kooti Whenua Maori i raro e tenei tekiona.

Ko nga tikanga katao o "Te Ture Hoko Whenua Maori, 1892," a muri nei whakahuatia ai ko te Ture kua huia ki roto ki tenei, haunga ia te tekiona rua me te tekau, ka hui mai nga tikanga o taua Ture a ka pa nga tikanga o nga tekiona tekaumawha me te [unclear: tekauwarima] me te hui mai ki tenei Ture, haunga ia nga tikanga o taua Ture kahore nei e rite ki nga tikanga o tenei Ture ka whakatikatikaia a muri ake nei ara.

Kei te whakahuatanga o nga kupu nei nga whenua Maori, i roto i te Ture huihui ko aua kupu i te mea e pa ana ki te Ture huihui ki nga tikanga hoki o tenei Ture, ka kiia ko tona tikanga ko tetahi whenua i whakamana kia tangohia kia hokona i raro i tenei Ture.

Ko te panuitanga e te Kawana i roto i tona Kaunihera o te panui e whakahuatia ana i roto i te tekiona whitu o tenei Ture mo te tono i nga Maori whai take kia turia tetahi pooti ka rite tonu tona mana ki te panui i panuitia e te Kawana i raro i te tekiona tekaumaono o te Ture huihui haunga ia te panui i panuitia i raro i nga tikanga o tenei Ture a ka timata mai tona mana i te panuitanga tuatahi i roto i te Gazette i te Kahiti ranei i runga ano i te ahua ano o tena keehi, ekore ia nga kupu whakamutunga o te tekiona tekaumaono e pa ki tenei Ture, a ko nga tekiona takauma whitu me te tekaumawaru o te Ture huihui me korero me whakamarama i reira ano.

Ko nga whakahuatanga e mau ana i roto i te tekiona tekaumawaru o te Ture huihui ki te tekiona tekaumaono o taua Ture me ki e pa ana ki tetahi panui i raro i nga tikanga o tenei Ture.

Ahakoa tena tetahi tangata ehara nei i te Maori a e whiwhi ana ki tetahi whenua ekore te whakaaetanga a taua tangata e meinga hei whakamana i tetahi pootitanga ki tetahi mea i mahia i runga i te kore tunga o tetahi pooti te tukunga ranei i tetahi whenua ki a te Kuini i raro i tenei Ture a ko tetahi pootitanga tetahi mea ranei i mahia i runga i te kore pooti, tetahi tapaenga ranei whakarerenga atu ranei ka mana tonu ahakoa whakaae taua tangata kahore ranei ki taua tukunga, a ka riro katao nga whenua nga take nga paanga i a tu Kuini runga i te Ota a te Kaunihera i runga i nga tapaenga o aua take.

A mo te taha ki aua whenua ki aua tono paanga ranei a tetahi kua kiia ake nei a i tongohia, me utu e te Kuini ki aua tangata nga utu o aua whenua, a mehemea kahore e tino rite nga tikanga i waenga i aua hunga me te Kuini mo runga i aua take, ma te Tiati o te Kooti Hupirimi e whakatau i runga i te tono a te Minita o tetahi tangata ranei a ko nga utu i whakataua me utu e te Kaitiaki o nga moni o te Koroni.

Kua panutia i konei kua kiia kei runga ake te mana o te Kuini i nga tangata ki te hoko i tetahi whenua Maori i tetahi heretitemata e takoto ana i waho o tetahi whenua Maori i panuitia i raro i tenei ture a mehemea e hiahia ana nga Maori whai take ki aua whenuua ki nga herititemate ki te hoko ki te riihi ranei i aua whenua me tono ratou ki te Poari kia hokona aua whenua me te ki atu ano i taua wa i nga utu e hiahiatia ana mo te eka kia riro motuhake mai taua whenua, ranei me ki mai i nga utu mo te tau mo te riihi i aua whenua.

I reira ano me whakahau e te Poari kia whiriwhiria nga utu o te whenua me te tuku i te ripoata ki te Kawana mo nga utu i kiia mai e nga Maori mo te hoko mo te riihi i aua whenua pera ano me te whakaaturanga mai e te tekiona ono pera ano mehemea nei he whenua aua whenua e takoto aua i tetahi wahi kua panuitia, a mehemea kahore te Poari e whakaae ki nga utu i whakapuakina mai e nga Maori mo te hoko me te riihi ka ahei aua Maori whai take i muri iho ara me matua whakaae auo hoki te Poari katahi ka ahei te tuku i aua whenua i paunitia i mua kia hokona kia rihitia ki tenei ki tena tangata ahakoa ko wai ma aua tangata.

E rangi mehemea kua whakaae te Poari ki nga utu i whakina mai i te tuatahi i reira ano i muri iho hoki ka pa katoa nga tikanga o tenei Ture ki nga whenua Maori ki nga heritetemata Maori i uru ki aua utu i whakapuakina mai hei utu ano i uru aua heritetemata ki roto i te whai i panuitia i raro i te tekiona wha o tenei Ture.