Mo te Kereeme a Pineaha Koia.

Ko te whenua kei roto i [unclear: tenei] kereeme, e takoto ana ki waenganui i te rohe [unclear: whaka-te-tonga] o Maraehara Poraka, me tetahi raina e ahu mai ana i Te Tunga-o-te-Kanohi-o-Porou ki [unclear: te] kongutuawa o Mangahoanga me Pohatukarekare, ka haere i roto i Pohatukarekare, whakarunga, tae atu ki taua rohe whaka-te-tonga o Maraehara Poraka.

Ko tenei whenua i whakaurua ki roto ki te whenua o Ngatimahanga i roto i te riihi o [unclear: te] tau 1880 (kua korerotia ki runga ake nei), a i hainatia taua riihi e Neho Kopuka ratou [gap — reason: illegible] Pineaha Koia, ko Te Matenga, papa o Pineaha, hei mokopuna ratou na Mahanga. I reira [unclear: hoki] a Wiremu Keiha e tu ana i te wa e hainatia ana te riihi, otira kihai tona ingoa i tuhia e ia, a [gap — reason: damaged] ahua mohiotia ana na te kore take i kore ai ia e tuhi tona ingoa, tatemea i hainatia e ia te [unclear: riihi] mo Pohooterangi i taua ra tonu. Kore rawa tetahi o enei rangatira tokotoru i whakapuaki i [unclear: a] kupu whakahe kia iti mo nga rohe i whakatakotoria mo tenei whenua, no reira ka mohiotia [unclear: i] tukua katoatia kia whakaurua ki roto ki nga rohe o te poroka i a Ngatimahanga. Kihai ratou ki i taua wa ranei, i era atu tau i muri iho ranei, ko ta ratou take e neke atu ana i ta [unclear: nga] tangata e riihi ana i te whenua. I whakaae katoa ratou ki taua riihi i tena wa, a inaianei [unclear: K] haere mai ratou ki te aroaro o tenei Kooti, ka mea ratou kia whakaponohia e te Kooti, ahakoa pera ta ratou whakahaerenga tikanga, i mohio tonu ai ratou ehara i a Pineaha Haerewa, rato ko Tuteri Mautoko, ko etahi atu o ratou, te whenua e riihitia ana e ratou i taua wa. E [unclear: kor] tena e whakaponohia e te Kooti.

Kua haere noatu te rongo a tena tangata, a Wiremu Keiha; ko ia te tangata tino whaka raruraru i nga tikanga e whakahaerea ana mo nga whenua i roto i tenei iwi, a Ngatiporou. [unclear: K] ta to Kooti whakaaro, mei tahuri a Ngatimahanga ki te whakauru i nga whenua a Wi [unclear: Keih] ranei, a Neho Kopuka ranei, ki roto ki ta ratou riihi, kua ara te pakanga, kua heke te toto.

Tera pea ka kitea he take tika ta Pineaha Koia raua ko Neho Kopuka ki runga ki [unclear: en] whenua, ratou tahi ko Ngatimahanga, i runga i te ahunga mai i a Mairanga, engari e whakaa ana te Kooti kahore a raua take tika i runga i nga tupuna kua whakaturia e raua.

Ko enei kereeme katoa ka patua, ka tukua ki raro.